13.62C Vancouver 13.62C VancouverJun 15, 2020 7:43 PM -
ਸੈਸਕੈਚਵਨ ਦੇ ਇੱਕ ਸੈਨੇਟਰ ਦਾ ਕਹਿਣਾ ਹੈ ਕਿ ਆਰ.ਸੀ.ਐਮ.ਪੀ. ਦੇ ਕਮਿਸ਼ਨਰ ਬ੍ਰੈਂਡਾ ਲਕੀ ਜਾਂ ਤਾਂ ਅਸਤੀਫ਼ਾ ਦੇਣ ਜਾਂ ਫ਼ਿਰ ਉਹਨਾਂ ਨੂੰ ਅਹੁਦੇ ਤੋਂ ਹਟਾ ਦਿੱਤਾ ਜਾਵੇ, ਤਾਂ ਜੋ ਰਾਸ਼ਟਰੀ ਪੁਲੀਸ ਸੇਵਾ ਇੰਡੀਜਨਸ ਭਾਈਚਾਰਿਆਂ ਦੀ ਚੰਗੀ ਤਰ੍ਹਾਂ ਸੇਵਾ ਕਰ ਸਕੇ।
ਸੈਨੇਟਰ ਲਿਲਿਅਨ ਡਾਇਕ ਨੇ ਕਿਹਾ ਕਿ ਲਕੀ ਨੇ ਹਾਲ ਵਿੱਚ ਹੀ ਇਹ ਦਰਸਾਇਆ ਹੈ ਕਿ ਉਹਨਾਂ ਨੂੰ ਸੰਸਥਾਤਮਕ ਨਸਲਵਾਦ ਦੀ ਸਮਝ ਨਹੀਂ ਹੈ ਅਤੇ ਉਹਨਾਂ ਕੋਲ ਦੇਸ਼ ਦੀ ਚੋਟੀ ਦੀ ਪੁਲੀਸ ਅਧਿਕਾਰੀ ਹੋਣ ਲਈ ਲੋੜੀਂਦਾ ਗਿਆਨ ਜਾਂ ਹੁਨਰ ਨਹੀਂ ਹੈ।
ਡਾਇਕ, ਪ੍ਰੋਗ੍ਰੇਸਿਵ ਸੈਨੇਟ ਗਰੁੱਪ ਦੇ ਮੈਂਬਰ ਹੋਣ ਦੇ ਨਾਲ-ਨਾਲ, ਫਰਸਟ ਨੇਸ਼ਨਜ਼ ਵਿੱਚੋਂ ਸੈਨੇਟ ਵਿੱਚ ਨਾਮਜ਼ਦ ਹੋਣ ਵਾਲੀ ਪਹਿਲੀ ਔਰਤ ਹਨ। ਉਹਨਾਂ ਦਾ ਮੰਨਣਾ ਹੈ ਕਿ ਜੇਕਰ ਲਕੀ ਅਸਤੀਫ਼ਾ ਦਿੰਦੇ ਹਨ ਤਾਂ ਇਹ ਕੈਨੇਡਾ ਵਾਸੀਆਂ ਅਤੇ ਆਰ.ਸੀ.ਐਮ.ਪੀ. ਲਈ ਲਾਭਕਾਰੀ ਹੋਵੇਗਾ।
ਲਕੀ ਨੇ ਸ਼ੁਰੂ ਵਿੱਚ ਪ੍ਰਧਾਨ ਮੰਤਰੀ ਟਰੂਡੋ ਦੇ ਉਸ ਬਿਆਨ ਨੂੰ ਸਮਰਥਨ ਦੇਣ ਤੋਂ ਪਰਹੇਜ਼ ਕੀਤਾ ਸੀ ਕਿ ਸਾਰੀਆਂ ਕਨੇਡੀਅਨ ਸੰਸਥਾਵਾਂ ਵਾਂਗ, ਕਨੇਡੀਅਨ ਪੁਲੀਸ ਫੋਰਸ ਵਿੱਚ ਵੀ ਸੰਸਥਾਤਮਕ ਨਸਲਵਾਦ ਮੌਜੂਦ ਹੈ।
ਸ਼ੁੱਕਰਵਾਰ ਨੂੰ ਆਪਣੇ ਰੁਖ ਤੋਂ ਪਲਟਦੇ ਹੋਏ ਲਕੀ ਨੇ ਟਰੂਡੋ ਦੇ ਬਿਆਨ ਨੂੰ ਸਮਰਥਨ ਨਾ ਦੇਣ 'ਤੇ ਅਫ਼ਸੋਸ ਦਾ ਪ੍ਰਗਟਾਵਾ ਕੀਤਾ ਸੀ।
ਟਰੂਡੋ ਨੇ ਲਕੀ ਵਿੱਚ ਇਹ ਕਹਿੰਦੇ ਹੋਏ ਵਿਸ਼ਵਾਸ ਪ੍ਰਗਟਾਇਆ ਕਿ ਲਕੀ ਵੀ ਸੰਸਥਾਤਮਕ ਨਸਲਵਾਦ ਨੂੰ ਖਤਮ ਕਰਨ ਵਿੱਚ ਆਪਣਾ ਯੋਗਦਾਨ ਪਾਉਣਾ ਚਾਹੁੰਦੇ ਹਨ।
