15.64C Vancouver 15.64C VancouverNov 4, 2025 2:23 PM - "Connect Newsroom -Jasmine Singh with files from The Canadian Press"
ਕੈਲਗਰੀ ਵਿਚ ਹਾਦਸੇ ਦੌਰਾਨ 9 ਸਾਲਾ ਬੱਚੀ ਦੀ ਜਾਨ ਲੈਣ ਵਾਲੇ ਵਿਅਕਤੀ ਦੀ ਸਜ਼ਾ ਦੇ ਫੈਸਲੇ ਨੂੰ ਫਿਲਹਾਲ ਅਦਾਲਤ ਨੇ ਟਾਲ ਦਿੱਤਾ ਹੈ। ਇਸ ਸਾਲ ਬਾਕਸਿੰਗ ਡੇਅ ਦੌਰਾਨ ਦੁਏਨ ਨੇਪੂਸ ਨੇ ਖਤਰਨਾਕ ਤਰੀਕੇ ਨਾਲ ਡਰਾਈਵ ਕਰਦਿਆਂ ਬੱਚੀ ਨੂੰ ਟੱਕਰ ਮਾਰ ਦਿੱਤੀ ਸੀ,ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ । ਉਸ ਨੂੰ ਖਤਰਨਾਕ ਤਰੀਕੇ ਨਾਲ ਡਰਾਈਵ ਕਰਦਿਆਂ ਜਾਨ ਲੈਣ,ਡਰਾਈਵ ਕਰਦਿਆਂ ਸਰੀਰਕ ਨੁਕਸਾਨ ਪਹੁੰਚਾਉਣ,ਲੁੱਟ-ਖੋਹ ਅਤੇ ਪੁਲਿਸ ਕੋਲੋਂ ਭੱਜਣ ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।
ਅਦਾਲਤ ਵਿਚ ਦੱਸਿਆ ਗਿਆ ਕਿ ਨੇਪੂਸ ਚੋਰੀ ਦੀ ਮਿੰਨੀਵੈਨ ਲੈ ਕੇ ਭੱਜ ਰਿਹਾ ਸੀ। ਉਹ 170 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਜਾ ਰਿਹਾ ਸੀ। ਉਸ ਨੇ ਰੈੱਡ ਲਾਈਟ ਨੂੰ ਕਰਾਸ ਕਰਦਿਆਂ ਇੱਥੋਂ ਲੰਘ ਰਹੀ ਕਾਰ ਨੂੰ ਟੱਕਰ ਮਾਰੀ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
ਦੂਜੀ ਕਾਰ ਵਿਚ ਸਵਾਰ ਵਿਕਟੋਰੀਆ ਡੇਸਜਾਰਡਿਨਜ਼ ਦੀ ਮੌਤ ਹੋ ਗਈ ਅਤੇ ਉਸ ਦੀ ਮਾਂ ਅਤੇ ਭੈਣਾਂ ਸਣੇ 7 ਹੋਰ ਜ਼ਖਮੀ ਹੋ ਗਏ ਸਨ। ਅਦਾਲਤ ਵਿਚ ਦੱਸਿਆ ਗਿਆ ਕਿ ਨੇਪੂਸ ਦੇ ਫੋਰੈਂਸਿਕ ਰਿਸਕ ਅਸੈਸਮੈਂਟ ਵਿਚ ਕਰੀਬ 2 ਮਹੀਨਿਆਂ ਦਾ ਹੋਰ ਸਮਾਂ ਲੱਗੇਗਾ ਅਤੇ 13 ਨਵੰਬਰ ਨੂੰ ਸਜ਼ਾ ਦੀ ਤਾਰੀਖ਼ ਨਿਸ਼ਚਿਤ ਕੀਤੀ ਜਾਵੇਗੀ।
