19.28C Vancouver 19.28C VancouverJan 19, 2023 12:13 AM - Connect News
ਨੌਰਥ ਵੈਨਕੂਵਰ 'ਚ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਜਿਸ ਨੇ ਕਥਿਤ ਤੌਰ 'ਤੇ ਆਪਣੇ ਐਂਪਲਾਇਰ ਨੂੰ $80,000 ਦੇ ਰਿਫੰਡ ਫਰੌਡ ਦਾ ਨਿਸ਼ਾਨਾ ਬਣਾਇਆ।
ਔਰਤ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਦੱਸੀ ਗਈ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਔਰਤ ਨੂੰ ਇੱਕ ਲੋਕਲ ਵਪਾਰ ਨੇ ਜੂਨ ਤੋਂ ਸਿਤੰਬਰ 2021 ਵਿਚਾਲੇ ਐਂਪਲਾਈ ਕੀਤਾ ਸੀ।
ਵਪਾਰ ਦੇ ਮਾਲਿਕ ਦੇ ਛੁੱਟੀ 'ਤੇ ਜਾਣ ਵਿਚਾਲੇ ਔਰਤ ਨੇ ਆਪਣੇ ਕਰੈਡਿਟ ਕਾਰਡ 'ਤੇ ਕਈ ਵੱਡੇ ਰਿਫੰਡ ਕੀਤੇ।
ਮਾਲਿਕ ਨੇ ਛੁੱਟੀ ਤੋਂ ਪਰਤਣ 'ਤੇ ਇਨ੍ਹਾਂ ਰਿਫੰਡਸ 'ਤੇ ਧਿਆਨ ਦਿੱਤਾ ਅਤੇ ਤੁਰੰਤ ਪੁਲਿਸ ਨਾਲ ਸੰਪਰਕ ਬਣਾਇਆ।
ਪੁਲਿਸ ਦਾ ਕਹਿਣਾ ਹੈ ਕਿ ਲੰਮੀ ਜਾਂਚ ਤੋਂ ਬਾਅਦ ਬੀਤੇ ਹਫਤੇ ਇਸ ਸੰਬੰਧੀ ਇੱਕ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਫਿਲਹਾਲ ਕਰਾਊਨ ਵੱਲੋਂ ਔਰਤ ਖਿਲਾਫ ਦੋਸ਼ ਤੈਅ ਕੀਤੇ ਜਾਣਾ ਬਾਕੀ ਹੈ ਅਤੇ ਔਰਤ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਜਾ ਰਹੀ।
ਇਹ ਵੀ ਦੱਸਿਆ ਗਿਆ ਕਿ ਔਰਤ ਹੁਣ ਇਸ ਵਪਾਰ ਨਾਲ ਕੰਮ ਨਹੀਂ ਕਰ ਰਹੀ ਹੈ।
