14.6C Vancouver 14.6C VancouverSep 28, 2021 12:48 AM -
ਸਰੀ 'ਚ ਪੋਰਟ ਮੈਨ ਬ੍ਰਿਜ 'ਤੇ ਮਲਟੀ ਵਾਹਨ ਕ੍ਰੈਸ਼ ਦੀ ਘਟਨਾ ਤੋਂ ਬਾਅਦ ਆਵਾਜਾਈ 'ਚ ਅੜਿੱਕੇ ਪੇਸ਼ ਆਏ।
ਡਰਾਈਵ ਬੀ.ਸੀ. ਨੇ ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਈਸਟ ਬਾਊਂਡ ਦਿਸ਼ਾ ਦੇ ਵਿੱਚ ਸਾਰੀਆਂ ਲੇਨਸ ਖੋਲ੍ਹ ਦਿੱਤੀਆਂ ਗਈਆਂ।
ਸ਼ਾਮ ਕਰੀਬ 4 ਵਜੇ ਲੇਨਸ ਖੋਲ੍ਹਣ ਦੀ ਜਾਣਕਾਰੀ ਦਿੱਤੀ ਗਈ।
ਪਹਿਲਾਂ ਇਕੱਲੀ ਐਚ.ਓ.ਵੀ. ਲੇਨਸ ਖੋਲ੍ਹੀਆਂ ਗਈਆਂ ਸਨ ਪਰ ਬਾਕੀ ਦੀਆਂ ਲੇਨਸ ਬੰਦ ਸਨ।
ਬੀ.ਸੀ. ਹਾਈਵੇ ਪੈਟਰੋਲ ਦਾ ਕਹਿਣਾ ਹੈ ਕਿ ਕ੍ਰਿਮੀਨਲ ਕੌਲਿਜ਼ਨ ਇਨਵੈਸਟੀਗੇਸ਼ਨ ਟੀਮ ਨੂੰ ਮੌਕੇ 'ਤੇ ਸੱਦਿਆ ਗਿਆ ਸੀ ਜਦ ਇੱਕ ਡਿਲੀਵਰੀ ਟਰੱਕ ਦੀ ਇੱਕ ਡਿਸਏਬਲ ਹੋਏ ਪਿਕਅਪ ਟਰੱਕ ਨਾਲ ਟੱਕਰ ਹੋ ਗਈ।
ਘਟਨਾ 'ਚ ਪਿਕਅਪ ਟਰੱਕ ਚਾਲਕ ਦੇ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
ਡਿਲੀਵਰੀ ਟਰੱਕ ਦੇ ਚਾਲਕ ਨੂੰ ਐਮਰਜੈਂਸੀ ਟੀਮਾਂ ਨੇ ਵਾਹਨ ਵਿੱਚੋਂ ਬਾਹਰ ਕੱਢਿਆ।
ਹਾਲਾਂਕਿ ਡਰਾਈਵ ਬੀ.ਸੀ. ਨੇ ਸ਼ਾਮ ਦੀ ਅਪਡੇਟ ਦੌਰਾਨ ਕਿਹਾ ਸੀ ਕਿ ਲੇਨਸ ਖੁੱਲ੍ਹਣ ਦੇ ਬਾਵਜੂਦ ਟਰੈਫਿਕ ਅੜਿੱਕੇ ਜਾਰੀ ਰਹਿ ਸਕਦੇ ਹਨ ਅਤੇ ਘੰਟਿਆਂ ਦੇ ਜਾਮ ਦੇ ਨਿਕਲਣ 'ਚ ਸਮਾਂ ਲੱਗੇਗਾ।
