13.75C Vancouver 13.75C VancouverDec 29, 2025 2:35 PM - Connect Newsroom - Ramandeep Kaur with files from The Canadian Press
ਵੈਨਕੂਵਰ ਆਈਲੈਂਡ ਦੇ ਸ਼ਹਿਰ ਨੈਨਾਈਮੋ ਵਿਚ ਸ਼ੁੱਕਰਵਾਰ ਨੂੰ ਵੈਲਿਊ ਲੋਜ ਮੋਟਲ ਵਿਚ ਅਚਾਨਕ ਅੱਗ ਲੱਗ ਗਈ,ਜਿਸ ਕਾਰਨ 7 ਲੋਕਾਂ ਨੂੰ ਹਸਪਤਾਲ ਲਿਜਾਣਾ ਪਿਆ। ਫਾਇਰ ਡਿਪਾਰਟਮੈਂਟ ਮੁਤਾਬਕ ਅੱਗ ਲੱਗਣ ਦੀ ਸੂਚਨਾ ਤੜਕੇ 3:00 ਵਜੇ ਦੇ ਲਗਭਗ ਮਿਲੀ,ਜਦੋਂ ਫਾਇਰ ਫਾਈਟਰਜ਼ ਮੌਕੇ 'ਤੇ ਪਹੁੰਚੇ ਤਾਂ ਮੋਟਲ ਦੀ ਦੂਜੀ ਮੰਜ਼ਿਲ ਅੱਗ ਦੀਆਂ ਲਪਟਾਂ ਵਿਚ ਘਿਰੀ ਹੋਈ ਸੀ ਅਤੇ ਧੂੰਏਂ ਦੇ ਗੁਬਾਰ ਨਿਕਲ ਰਹੇ ਸਨ। 40 ਦੇ ਕਰੀਬ ਲੋਕ ਇਸ ਨਾਲ ਪ੍ਰਭਾਵਿਤ ਹੋਏ।
ਖਬਰਾਂ ਮੁਤਾਬਕ, ਐਲਿਜ਼ਾਬੈਥ ਮੈਨਸਨ ਨਾਮਕ ਤਿੰਨ ਬੱਚਿਆਂ ਦੀ ਇੱਕ ਮਾਂ ਜੋ ਮੋਟਲ ਦੀ ਦੂਜੀ ਮੰਜ਼ਿਲ 'ਤੇ ਕਮਰੇ ਵਿਚ ਰਹਿ ਰਹੀ ਸੀ, ਉਸ ਨੇ ਡੋਰ ਟੂ ਡੋਰ ਜਾ ਕੇ ਹੋਰਾਂ ਲੋਕਾਂ ਨੂੰ ਜਗਾਇਆ ਜੋ ਉਸ ਵੇਲੇ ਵੀ ਸੁੱਤੇ ਪਏ ਸਨ। ਮੈਨਸਨ ਵਲੋਂ ਜਗਾਏ ਗਏ ਲੋਕਾਂ ਵਿਚੋਂ ਇੱਕ ਨਕੁਲ ਜੋਸਫ਼ ਨਾਮ ਦੇ ਸ਼ਖਸ ਨੇ ਕਿਹਾ ਕਿ ਉਸ ਕੋਲ ਬਚਣ ਲਈ ਬਹੁਤ ਘੱਟ ਸਮਾਂ ਸੀ ਅਤੇ ਉਸ ਨੇ ਆਪਣੇ ਕੁੱਤੇ ਨਾਲ ਦੂਜੀ ਮੰਜ਼ਿਲ ਦੀ ਬਾਲਕੋਨੀ ਤੋਂ ਛਾਲ ਮਾਰ ਦਿੱਤੀ।
ਨੈਨਾਈਮੋ ਆਰ.ਸੀ.ਐਮ.ਪੀ.ਮੁਤਾਬਕ, ਕੁੱਲ 7 ਲੋਕਾਂ ਨੂੰ ਧੂੰਏਂ ਕਾਰਨ ਸਾਹ ਲੈਣ ਵਿਚ ਤਕਲੀਫ ਹੋਣ ਕਰਕੇ ਹਸਪਤਾਲ ਲਿਜਾਇਆ ਗਿਆ ਸੀ। ਅੱਗ ਕਾਰਨ ਹੋਏ ਨੁਕਸਾਨ ਕਾਰਨ ਮੋਟਲ ਪ੍ਰਬੰਧਕਾਂ ਨੇ ਇਸ ਨੂੰ ਅਣਮਿੱਥੇ ਸਮੇਂ ਲਈ ਬੰਦ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਅੱਗ ਲੱਗਣ ਪਿੱਛੇ ਦੇ ਕਾਰਨਾਂ ਦੀ ਅਜੇ ਜਾਂਚ ਕੀਤੀ ਜਾ ਰਹੀ ਹੈ।
