16.07C Vancouver 16.07C VancouverAug 17, 2021 9:38 PM -
ਅੱਜ 7 ਮੈਨੀਟੋਬਾ ਵਾਸੀ $100,000 ਦੇ ਜੇਤੂ ਬਣ ਗਏ ਹਨ।
ਸੂਬੇ 'ਚ ਚਲਾਏ ਗਏ 'ਵੈਕਸ ਟੁ ਵਿਨ' ਲੌਟਰੀ ਪ੍ਰੋਗਰਾਮ ਤਹਿਤ ਅੱਜ ਜੇਤੂਆਂ ਦਾ ਐਲਾਨ ਕੀਤਾ ਗਿਆ ਹੈ।
ਸੂਬੇ ਵੱਲੋਂ ਇਸ ਇੰਸੈਂਟਿਵ ਪ੍ਰੋਗਰਾਮ ਦੀ ਸ਼ੁਰੂਆਤ ਜੂਨ ਵਿੱਚ ਕੀਤੀ ਗਈ ਸੀ।
ਇਸ ਦੇ ਆਸਰੇ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਉਤਸ਼ਾਹਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਸਰਕਾਰ ਨੇ ਇਨਾਮਾਂ ਤਹਿਤ ਕੁੱਲ 2 ਮਿਲੀਅਨ ਡਾਲਰ ਦੇ ਇਨਾਮ ਰੱਖੇ ਹੋਏ ਸਨ।
ਇਸ 'ਚ 12 ਤੋਂ 17 ਸਾਲ ਦੀ ਉਮਰ ਦੇ ਯੁਵਾ ਵਰਗ ਲਈ ਸਕੌਲਰਸ਼ਿਪਸ ਵੀ ਸ਼ਾਮਿਲ ਸਨ।
ਅੱਜ ਦੇ ਜੇਤੂ ਉਹ ਲੋਕ ਬਣੇ ਹਨ ਜਿੰਨਾ ਆਪਣੀ ਵੈਕਸੀਨ ਦੀ ਪਹਿਲੀ ਖੁਰਾਕ 2 ਅਗਸਤ ਤਕ ਹਾਸਿਲ ਕਰ ਲਈ ਸੀ।
ਅਗਲੀ ਲੌਟਰੀ ਦੀ ਡੈਡਲਾਈਨ 6 ਸਿਤੰਬਰ ਦੀ ਰੱਖੀ ਗਈ ਹੈ।
ਇਹ ਉਨ੍ਹਾਂ ਲੋਕਾਂ ਲਈ ਹੋਵੇਗੀ ਜਿੰਨਾ ਨੇ ਇਸ ਮਿਤੀ ਤਕ ਵੈਕਸੀਨ ਦੇ ਦੋਨੋਂ ਡੋਜ਼ ਹਾਸਿਲ ਕਰ ਲਏ ਹੋਣ।
ਇਸ ਲੌਟਰੀ ਤਹਿਤ 25,000 ਡਾਲਰ ਦੀ ਸਕੌਲਰਸ਼ਿਪ ਹਾਸਿਲ ਕਰਨ ਵਾਲੇ ਯੁਵਾ ਵਰਗ ਦੇ ਜੇਤੂਆਂ ਦਾ ਐਲਾਨ ਬਾਅਦ 'ਚ ਕੀਤਾ ਜਾਵੇਗਾ।
