11.39C Vancouver 11.39C VancouverMay 4, 2020 3:28 PM -
ਕੈਨੇਡਾ ਵਿੱਚ ਕੋਵਿਡ-19 ਮਹਾਂਮਾਰੀ ਦੇ ਨਵੇਂ ਪੜਾਅ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ ਅਤੇ ਕਈ ਸੂਬੇ ਅੱਜ ਤੋਂ ਪਾਬੰਦੀਆਂ ਨੂੰ ਢਿੱਲ ਦੇਣ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ।
ਦੇਸ਼ ਦੇ ਅੱਧੇ ਤੋਂ ਵੱਧ ਕਰੋਨਾਵਾਇਰਸ ਨਾਲ ਸੰਬੰਧਤ ਮਾਮਲੇ ਕਿਊਬੈੱਕ ਵਿੱਚ ਸਾਹਮਣੇ ਆਏ ਹਨ ਅਤੇ ਅੱਜ ਤੋਂ ਮਾਂਟਰੀਆਲ ਦੇ ਬਾਹਰ ਦੇ ਇਲਾਕੇ ਵਿੱਚ ਰਿਟੇਲ ਸਟੋਰ ਦੁਬਾਰਾ ਖੋਲ੍ਹੇ ਜਾ ਰਹੇ ਹਨ।
ਮਾਂਟਰੀਆਲ ਦੇ ਵਿੱਚ ਸਟੋਰਾਂ ਨੂੰ 11 ਮਈ ਤੋਂ ਖੋਲ੍ਹਣ ਦੀ ਯੋਜਨਾ ਹੈ।
ਓਨਟਾਰੀਓ ਦੇ ਵਿੱਚ ਅੱਜ ਤੋਂ ਕਰਬਸਾਈਡ ਪਿਕਅੱਪ ਨਾਲ ਗਾਰਡਨ ਸੈਂਟਰ, ਲੌਨ ਕੇਅਰ, ਲੈਂਡਸਕੇਪਿੰਗ ਕੰਪਨੀਆਂ ਅਤੇ ਆਟੋਮੈਟਿਕ ਕਾਰ ਵਾਸ਼ ਖੁੱਲ੍ਹ ਜਾਣਗੇ।
ਮੈਨੀਟੋਬਾ ਵਿੱਚ ਅੱਧੀ ਕਪੈਸਿਟੀ ਨਾਲ ਮਿਊਜ਼ੀਅਮ, ਲਾਇਬ੍ਰੇਰੀਆਂ, ਰਿਟੇਲ ਸਟੋਰ ਅਤੇ ਰੈਸਟੋਰੈਂਟ ਦੇ ਪੈਟੀਓ ਦੁਬਾਰਾ ਖੋਲ੍ਹੇ ਜਾ ਰਹੇ ਹਨ।
ਮੈਨੀਟੋਬਾ, ਸਸਕੈਚਵਨ ਅਤੇ ਐਲਬਰਟਾ ਵਿੱਚ ਡੈਂਟਿਸਟਰੀ ਅਤੇ ਫਿਜ਼ੀਓਥੈਰੇਪੀ ਨਾਲ ਜੁੜੀਆਂ ਸੇਵਾਵਾਂ ਵੀ ਅੱਜ ਤੋਂ ਉਪਲੱਬਧ ਹੋਣਗੀਆਂ।
ਮੈਰੀਟਾਈਮਜ਼ ਦੇ ਸੂਬਿਆਂ ਵਿੱਚ ਪਿਛਲੇ ਹਫ਼ਤੇ ਨਿਯਮਾਂ ਉੱਤੇ ਢਿੱਲ ਦੇਣੀ ਸ਼ੁਰੂ ਕਰ ਦਿੱਤੀ ਗਈ ਸੀ।
ਬ੍ਰਿਟਿਸ਼ ਕੋਲੰਬੀਆ ਵੱਲੋਂ ਫਿਲਹਾਲ ਕੋਈ ਵੀ ਅਜਿਹਾ ਪਲਾਨ ਸਾਂਝਾ ਨਹੀਂ ਕੀਤਾ ਗਿਆ।
