9.02C Vancouver 9.02C VancouverAug 22, 2022 10:28 PM - The Canadian Press
ਸਰੀ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਗੋਲੀ ਚੱਲਣ ਸੰਬੰਧੀ ਮਿਲੀਆਂ ਰਿਪੋਰਟਸ ਤੋਂ ਬਾਅਦ ਇੱਕ ਕਾਰ ਦਾ ਪਿੱਛਾ ਕੀਤੇ ਜਾਣ ਅਤੇ ਇੱਕ ਵਾਹਨ ਨੂੰ ਅੱਗ ਦੇ ਹਵਾਲੇ ਕਰਨ ਸੰਬੰਧੀ ਖੁਲਾਸਾ ਹੋਇਆ ਹੈ।
ਮਾਮਲਾ ਐਤਵਾਰ ਰਾਤ ਦਾ ਦੱਸਿਆ ਗਿਆ ਹੈ।
ਪੁਲਿਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੂੰ ਰਾਤ ਕਰੀਬ 8.30 ਵਜੇ 151 ਸਟ੍ਰੀਟ ਅਤੇ 68 ਐਵੀਨਿਊ ਦੇ ਕੋਲ ਸੱਦਿਆ ਗਿਆ ਸੀ।
ਪੁਲਿਸ ਨੂੰ ਗੋਲੀ ਚੱਲਣ ਦੀ ਜਾਣਕਾਰੀ ਮਿਲੀ ਸੀ ਪਰ ਮੌਕੇ 'ਤੇ ਕੋਈ ਵਿਅਕਤੀ ਜਖਮੀ ਨਹੀਂ ਮਿਲਿਆ।
ਜਾਂਚ ਅਧਿਕਾਰੀਆਂ ਨੂੰ ਪਤਾ ਲੱਗਿਆ ਕਿ ਇੱਕ ਚਾਂਦੀ ਰੰਗੀ ਐਸ.ਯੂ.ਵੀ. ਇੱਕ ਕਾਲੇ ਰੰਗ ਦੀ ਗੱਡੀ ਦੀ ਪਿੱਛਾ ਕਰ ਰਹੀ ਸੀ।
ਸ਼ੱਕ ਜਾਹਿਰ ਕੀਤਾ ਗਿਆ ਕਿ ਗੋਲੀ ਕਾਲੇ ਰੰਗ ਦੀ ਗੱਡੀ ਵਿੱਚੋਂ ਚਲਾਈ ਗਈ ਸੀ।
ਪਹਿਲੀ ਰਿਪੋਰਟ ਤੋਂ ਕੁਝ ਸਮੇਂ ਵਿਚਾਲੇ ਪੁਲਿਸ ਨੂੰ 83 ਐਵੀਨਿਊ ਅਤੇ 171 ਸਟ੍ਰੀਟ ਕੋਲ ਸੱਦਿਆ ਗਿਆ।
ਮੌਕੇ 'ਤੇ ਇੱਕ ਚਾਂਦੀ ਰੰਗੀ ਐਸ.ਯੂ.ਵੀ. ਨੂੰ ਅੱਗ ਲੱਗੀ ਮਿਲੀ।
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਅਫ਼ਸਰ ਆਲੇ-ਦੁਆਲੇ ਦੇ ਘਰਾਂ ਦੀ ਫੁਟੇਜ ਖੰਗਾਲ ਰਹੇ ਹਨ ਅਤੇ ਪ੍ਰਤੱਖਦਰਸ਼ੀਆਂ ਤੋਂ ਜਾਣਕਾਰੀ ਇਕੱਤਰ ਕਰ ਰਹੇ ਹਨ।
ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਕਿਸੇ ਕੋਲ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
