22.35C Vancouver 22.35C VancouverMar 25, 2022 7:02 PM - The Canadian Press
ਸਰੀ 'ਚ ਲਗਾਤਾਰ 2 ਦਿਨ 'ਚ ਦੂਜੀ ਵਾਰ ਗੋਲੀ ਚੱਲਣ ਦੀ ਵਾਰਦਾਤ ਵਾਪਰੀ।
ਵੀਰਵਾਰ ਸ਼ਾਮ 72 ਐਵੀਨਿਊ ਅਤੇ 126 ਸਟ੍ਰੀਟ ਦੇ ਇਲਾਕੇ 'ਚ ਗੋਲੀ ਚੱਲਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਨੂੰ ਸ਼ਾਮ ਕਰੀਬ 7.15 ਵਜੇ ਮੌਕੇ 'ਤੇ ਸੱਦਿਆ ਗਿਆ ਸੀ।
ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੂੰ ਸਬੂਤ ਮਿਲੇ ਜਿਸ ਨਾਲ ਪੁਖਤਾ ਹੋਇਆ ਕਿ ਗੋਲੀ ਚੱਲੀ ਸੀ।
ਇਲਾਕੇ 'ਚ ਇੱਕ ਜਖਮੀ ਆਦਮੀ ਮਿਲਿਆ।
ਹਾਲਾਂਕਿ ਪੁਲਿਸ ਅਨੁਸਾਰ ਪੀੜਤ ਨੂੰ ਜਾਨਲੇਵਾ ਜਖਮਾਂ ਤੋਂ ਬਚਾਅ ਰਿਹਾ ਸੀ।
ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਘਟਨਾ ਸੰਬੰਧੀ ਬਹੁਤੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਪਰ ਪੁਲਿਸ ਨੇ ਦੱਸਿਆ ਕਿ ਘਟਨਾ ਟਾਰਗੈਟਿਡ ਮੰਨੀ ਜਾ ਰਹੀ ਹੈ।
ਪੁਲਿਸ ਨੇ ਫਿਲਹਾਲ ਇਹ ਸਪਸ਼ਟ ਨਹੀਂ ਕੀਤਾ ਹੈ ਕਿ ਮਾਮਲਾ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਸੰਬੰਧਤ ਹੋ ਸਕਦਾ ਹੈ ਜਾਂ ਨਹੀਂ।
ਯਾਦ ਰਹੇ ਇਸ ਤੋਂ ਪਹਿਲਾਂ ਬੁੱਧਵਾਰ ਰਾਤ ਗਿਲਫੋਰਡ ਇਲਾਕੇ 'ਚ ਗੋਲੀ ਚੱਲੀ ਸੀ ਜਿਸ 'ਚ ਇੱਕ 19 ਸਾਲਾ ਟੀਨੇਜਰ ਜਖਮੀ ਹੋ ਗਿਆ ਸੀ।
