12.02C Vancouver 12.02C VancouverJul 28, 2021 7:26 PM -
ਅੱਜ ਇੰਡੀਆਨਾਪੌਲਿਸ ਮੈਟਰੋ ਪੁਲਿਸ ਡਿਪਾਰਟਮੈਂਟ ਅਤੇ ਹੋਰ ਲਾਅ ਐਨਫੋਰਸਮੈਂਟ ਏਜੈਂਸੀਆਂ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ 15 ਅਪ੍ਰੈਲ ਦੀ ਘਾਤਕ ਅਤੇ ਜਾਨਲੇਵਾ ਸ਼ੂਟਿੰਗ ਸੰਬੰਧੀ ਜਾਂਚ ਦੇ ਵੇਰਵੇ ਸਾਂਝੇ ਕੀਤੇ।
ਡਿਪਟੀ ਚੀਫ਼ ਕ੍ਰੈਗ ਮੈਕਾਰਟ ਦਾ ਕਹਿਣਾ ਸੀ ਕਿ ਅਧਿਕਾਰੀਆਂ ਦੀ ਜਾਂਚ ਤੋਂ ਬਾਅਦ ਇਹ ਸਪਸ਼ਟ ਹੋਇਆ ਹੈ ਕਿ ਇਹ ਮਾਮਲਾ 'ਕਤਲ ਅਤੇ ਖੁਦਕੁਸ਼ੀ' ਦਾ ਸੀ।
ਘਟਨਾ 15 ਅਪ੍ਰੈਲ ਨੂੰ ਇੱਕ ਫੈਡਐਕਸ ਫੈਸਿਲਟੀ 'ਚ ਵਾਪਰੀ ਸੀ।
ਜਾਂਚ ਦੇ ਇਹਨਾਂ ਸਿੱਟਿਆਂ 'ਤੇ ਸਿੱਖ ਕੋਅਲਿਸ਼ਨ ਨੇ ਨਿਰਾਸ਼ਾ ਜ਼ਾਹਿਰ ਕੀਤੀ ਹੈ।
ਸਿੱਖ ਕੋਅਲਿਸ਼ਨ ਦੀ ਲੀਗਲ ਡਾਇਰੈਕਟਰ ਅੰਮ੍ਰਿਤ ਕੌਰ ਦਾ ਕਹਿਣਾ ਸੀ ਕਿ ਕਈ ਮਹੀਨਿਆਂ ਤੋਂ ਲੋਕਲ ਅਤੇ ਫੈਡਰਲ ਲਾਅ ਐਨਫੋਰਸਮੈਂਟ ਤੋਂ ਮੰਗ ਕੀਤੀ ਗਈ ਸੀ ਕਿ ਇਸ ਮਾਮਲੇ ਦੀ ਡੂੰਘਾਈ 'ਚ ਅਤੇ ਪਾਰਦਰਸ਼ੀ ਤਰੀਕੇ ਨਾਲ ਜਾਂਚ ਕੀਤੀ ਜਾਵੇ।
ਉਨ੍ਹਾਂ ਕਿਹਾ ਕਿ ਇਹ ਨਿਰਾਸ਼ਾਜਨਕ ਹੈ ਕਿ ਐਫ.ਬੀ.ਆਈ. ਅਤੇ ਆਈ.ਐਮ.ਪੀ.ਡੀ. ਨੇ ਸ਼ੂਟਿੰਗ 'ਚ ਪੱਖਪਾਤ ਦੇ ਐਂਗਲ ਨੂੰ ਕਿਵੇਂ ਰੱਦ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਨ ਦੇ ਕਾਰਨ ਵੀ ਸਪਸ਼ਟ ਨਹੀਂ ਕੀਤੇ ਗਏ ਹਨ।
ਉਨ੍ਹਾਂ ਕਿਹਾ ਕਿ ਸ਼ੂਟਰ ਨੇ ਘਟਨਾ ਨੂੰ ਅੰਜਾਮ ਦੇਣ ਲਈ ਅਜਿਹੀ ਜਗ੍ਹਾ ਚੁਣੀ ਜਿੱਥੇ 'ਪੀਪਲ ਆਫ ਕਲਰ' (ਰੰਗਦਾਰ ਲੋਕਾਂ) ਦੇ ਕੰਮ ਕਰਦੇ ਹੋਣ ਦੀ ਹਰ ਕਿਸੇ ਨੂੰ ਜਾਣਕਾਰੀ ਸੀ।
ਇਸ 'ਚ ਵਧੇਰੇ ਗਿਣਤੀ 'ਚ ਪੰਜਾਬੀ ਭਾਈਚਾਰੇ ਦੇ ਲੋਕ ਕੰਮ ਕਰਦੇ ਸਨ।
ਉਨ੍ਹਾਂ ਕਿਹਾ ਕਿ ਪ੍ਰੈਸ ਕਾਨਫਰੰਸ 'ਚ ਸਵਾਲ ਪੁੱਛੇ ਜਾਣ 'ਤੇ ਅਧਿਕਾਰੀ ਦਾ ਕਹਿਣਾ ਸੀ ਕਿ ਅਜਿਹੀ ਕੋਈ ਇੰਡੀਕੇਸ਼ਨ ਨਹੀਂ ਸੀ ਕਿ ਇਹ ਘਟਨਾ ਪੰਜਾਬੀ ਭਾਈਚਾਰੇ ਨਾਲ ਨਫਰਤ ਨਾਲ ਸੰਬੰਧਤ ਸੀ।
