9.5C Vancouver 9.5C VancouverJun 17, 2020 7:53 PM -
ਆਰ.ਸੀ.ਐਮ.ਪੀ. ਵੱਲੋਂ ਕੀਤੇ ਜਾਂਦੇ ਭੇਦਭਾਵ ਦੇ ਸੰਬੰਧ ਵਿੱਚ ਐਨ.ਡੀ.ਪੀ. ਵੱਲੋਂ ਅੱਜ ਹਾਊਸ ਔਫ਼ ਕੌਮਨਜ਼ ਵਿੱਚ ਪੇਸ਼ ਕੀਤੇ ਬਿੱਲ ਨੂੰ ਸਰਬਸੱਮਤੀ ਨਾ ਮਿਲਣ ਤੋਂ ਬਾਅਦ, ਪਾਰਟੀ ਲੀਡਰ ਜਗਮੀਤ ਸਿੰਘ ਨੇ ਬਲੌਕ ਕਿਊਬੇਕਵਾ ਦੇ ਇੱਕ ਐਮ.ਪੀ. ਨੂੰ ਨਸਲਵਾਦੀ ਕਹਿ ਦਿੱਤਾ।
ਸਿੰਘ ਨੇ ਬਲੌਕ ਦੇ ਐਮ.ਪੀ. ਅਲੈਨ ਥੇਰੀਅਨ ਲਈ ਕਹੇ ਇਹਨਾਂ ਸ਼ਬਦਾਂ ਲਈ ਮੁਆਫ਼ੀ ਮੰਗਣ ਤੋਂ ਵੀ ਇਨਕਾਰ ਕਰ ਦਿੱਤਾ।
ਇਸ ਤੋਂ ਬਾਅਦ ਸਪੀਕਰ ਨੇ ਸਿੰਘ ਨੂੰ ਦਿਨ ਦੀ ਬਾਕੀ ਕਾਰਵਾਈ ਲਈ ਸਦਨ ਤੋਂ ਬਾਹਰ ਰਹਿਣ ਦਾ ਹੁਕਮ ਸੁਣਾ ਦਿੱਤਾ।
ਸਿੰਘ ਦਾ ਸੁਝਾਅ ਸੀ ਕਿ ਹਾਊਸ ਇਹ ਗਲ ਸਵੀਕਾਰ ਕਰੇ ਕਿ ਆਰ.ਸੀ.ਐਮ.ਪੀ. ਵਿੱਚ ਸਿਸਟਮਿਕ ਨਸਲਵਾਦ ਮੌਜੂਦ ਹੈ ਅਤੇ ਹਾਊਸ ਵੱਲੋਂ ਸਰਕਾਰ ਨੂੰ ਆਰ.ਸੀ.ਐਮ.ਪੀ. ਦੇ ਬਜਟ ਦਾ ਮੁਲਾਂਕਣ ਕਰਨ ਲਈ ਕਿਹਾ ਜਾਵੇ।
ਸਿੰਘ ਦੇ ਇਸ ਸੁਝਾਅ ਦੀ ਘੱਟੋ-ਘੱਟ ਇੱਕ ਮੈਂਬਰ ਵੱਲੋਂ ਮੁਖ਼ਾਲਫ਼ਤ ਕੀਤੀ ਗਈ ਜਿਸ ਕਾਰਣ ਇਹ ਮਤਾ ਪਾਸ ਨਹੀਂ ਹੋ ਸਕਿਆ। ਪਰ ਇਹ ਸਾਫ਼ ਨਹੀਂ ਹੋਇਆ ਕਿ ਮੁਖ਼ਾਲਫ਼ਤ ਕਿਸ ਮੈਂਬਰ ਵੱਲੋਂ ਕੀਤੀ ਗਈ।
ਮੌਕੇ ਤੇ ਪੈਦਾ ਹੋਏ ਤਣਾਅ ਦੌਰਾਨ ਸਿੰਘ ਨੇ ਇਹ ਸਵੀਕਾਰ ਕੀਤਾ ਕਿ ਉਹਨਾਂ ਨੇ ਥੇਰੀਅਨ ਨੂੰ ਨਸਲਵਾਦੀ ਕਿਹਾ ਹੈ। ਉਹਨਾਂ ਕਿਹਾ "ਮੈਨੂ ਯਕੀਨ ਹੈ ਕਿ ਅਜਿਹਾ ਹੀ ਹੈ।"
