15.47C Vancouver 15.47C VancouverOct 12, 2023 5:49 PM - The Canadian Press
ਸੰਸਦੀ ਬਜਟ ਅਧਿਕਾਰੀ ਦਾ ਕਹਿਣਾ ਹੈ ਕਿ ਇੱਕ ਸਿੰਗਲ-ਭੁਗਤਾਨ ਕਰਨ ਵਾਲੀ ਯੂਨੀਵਰਸਲ ਡਰੱਗ ਯੋਜਨਾ 'ਤੇ ਫੈਡਰਲ ਅਤੇ ਸੂਬਾ ਸਰਕਾਰਾਂ ਨੂੰ ਪਹਿਲੇ ਸਾਲ ਵਿੱਚ $11.2 ਬਿਲੀਅਨ ਅਤੇ ਪੰਜ ਸਾਲਾਂ ਵਿੱਚ $13.4 ਬਿਲੀਅਨ ਦਾ ਖਰਚਾ ਆਵੇਗਾ।
ਅੱਜ ਜਾਰੀ ਕੀਤੀ ਗਈ ਪੀਬੀਓ ਦੀ ਰਿਪੋਰਟ ਵਿੱਚ 2024-25 ਅਤੇ 2027-28 ਦਰਮਿਆਨ ਫਾਰਮਾਕੇਅਰ ਪ੍ਰੋਗਰਾਮ ਦੀ ਲਾਗਤ ਦਾ ਅੰਦਾਜ਼ਾ ਦੱਸਿਆ ਗਿਆ ਹੈ।
ਜਨਤਕ ਦਵਾਈਆਂ ਦੀਆਂ ਯੋਜਨਾਵਾਂ 'ਤੇ ਸਰਕਾਰਾਂ ਦੁਆਰਾ ਮੌਜੂਦਾ ਖਰਚਿਆਂ ਦੇ ਨਾਲ-ਨਾਲ ਫਾਰਮਾਕੇਅਰ ਯੋਜਨਾ ਦੇ ਅਧੀਨ ਸਹਿ-ਭੁਗਤਾਨਾਂ ਤੋਂ ਪੈਦਾ ਹੋਣ ਵਾਲੇ ਮਾਲੀਏ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਹ ਲਾਗਤ ਦੱਸੀ ਗਈ ਹੈ।
ਪੀਬੀਓ ਦੀ ਰਿਪੋਰਟ ਵਿੱਚ ਪਾਇਆ ਗਿਆ ਹੈ ਕਿ ਜਦੋਂ ਪਬਲਿਕ ਸੈਕਟਰ ਦਵਾਈਆਂ 'ਤੇ ਜ਼ਿਆਦਾ ਖਰਚ ਕਰੇਗਾ, ਫਾਰਮਾਕੇਅਰ ਯੋਜਨਾ ਨੂੰ ਲਾਗੂ ਕਰਨ ਨਾਲ ਆਰਥਿਕਤਾ-ਵਿਆਪਕ ਬੱਚਤ ਹੋਵੇਗੀ।
ਪੀਬੀਓ ਨੇ 2024-25 ਵਿੱਚ 1.4 ਬਿਲੀਅਨ ਡਾਲਰ ਦੇ ਡਰੱਗ ਖਰਚਿਆਂ ਉੱਤੇ ਲਾਗਤ ਬਚਤ ਦਾ ਅਨੁਮਾਨ ਲਗਾਇਆ ਹੈ, ਜਿਸਦੇ ਨਾਲ ਇਹ ਅੰਕੜਾ 2027-28 ਤੱਕ $2.2 ਬਿਲੀਅਨ ਹੋ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਫੈਡਰਲ ਨਿਊ ਡੈਮੋਕਰੇਟਸ ਨੇ ਲਿਬਰਲਸ ਦੇ ਫਾਰਮਾਕੇਅਰ ਕਾਨੂੰਨ ਦੇ ਪਹਿਲੇ ਖਰੜੇ ਨੂੰ ਰੱਦ ਕਰ ਦਿੱਤਾ ਹੈ।
ਲਿਬਰਲਜ਼ ਨੇ ਇਸ ਫ਼ੌਲ ਸੀਜ਼ਨ ਦੌਰਾਨ ਫਾਰਮਾਕੇਅਰ ਕਾਨੂੰਨ ਪੇਸ਼ ਕਰਨ ਦਾ ਵਾਅਦਾ ਕੀਤਾ ਸੀ, ਪਰ ਐਨਡੀਪੀ ਕ੍ਰਿਟਿਕ ਡੌਨ ਡੇਵੀਸ ਨੇ ਕਿਹਾ ਕਿ ਬਿੱਲ ਦਾ ਪਹਿਲਾ ਡਰਾਫਟ ਐਨਡੀਪੀ ਦੀਆਂ ਉਮੀਦਾਂ ਉੱਤੇ ਖਰਾ ਨਹੀਂ ਉਤਰਿਆ।
ਉਨ੍ਹਾਂ ਕਿਹਾ ਕਿ ਉਹ ਅਗਲੇ ਡਰਾਫ਼ਟ ਦੀ ਉਡੀਕ ਕਰ ਰਹੇ ਹਨ।ਡੇਵੀਸ ਨੇ ਕਿਹਾ ਕਿ ਫ਼ਾਰਮਾਕੇਅਰ ਪ੍ਰੋਗਰਾਮ ਇੱਕ ਯੂਨੀਵਰਸਲ, ਇੱਕੋ-ਭੁਗਤਾਨ ਵਾਲਾ ਅਤੇ ਸਰਕਾਰੀ ਹੋਣਾ ਚਾਹੀਦਾ ਹੈ।
