ਐਬਟਸਫੋਰਡ ਵਿਚ ਹਾਈਵੇਅ 11 ਤੇ ਵਾਪਰਿਆ ਭਿਆਨਕ ਹਾਦਸਾ, ਪੁਲਿਸ ਵਲੋਂ ਜਾਂਚ ਜਾਰੀ

ਐਬਟਸਫੋਰਡ ਵਿਚ ਇੱਕ ਸੀਰੀਅਸ ਸਿੰਗਲ-ਵ੍ਹੀਕਲ ਕ੍ਰੈਸ਼ ਦੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਵਿਚ 3 ਲੋਕ ਗੰਭੀਰ ਜ਼ਖਮੀ ਹੋ ਗਏ। ਪੁਲਿਸ ਮੁਤਾਬਕ, ਟਾਊਨਸ਼ਿਪਲਾਈਨ ਰੋਡ ਕੋਲ ਹਾਈਵੇਅ 11 'ਤੇ ਸੋਮਵਾਰ ਨੂੰ ਰਾਤ ਕਰੀਬ 12 ਵਜੇ ਇੱਕ black Chrysler ਗੱਡੀ ਹਾਦਸਾਗ੍ਰਸਤ ਹੋਈ, ਇਸ ਕਾਰ ਵਿਚ ਤਿੰਨ ਲੋਕ ਸਵਾਰ ਸਨ, ਜਿਨਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ, ਇਨ੍ਹਾਂ ਵਿਚੋਂ ਇੱਕ ਵਿਅਕਤੀ ਦੀ ਹਾਲਤ ਬੇਹੱਦ ਨਾਜ਼ੁਕ ਹੋਣ ਕਾਰਨ ਉਸ ਨੂੰ ਹੈਲੀਕੌਪਟਰ ਰਾਹੀਂ ਲਿਫਟ ਕਰਨਾ ਪਿਆ।

ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਡਰਾਈਵਰ ਮੋੜ 'ਤੇ ਕੰਟਰੋਲ ਗੁਆ ਬੈਠਾ, ਜਿਸ ਕਾਰਨ ਗੱਡੀ ਕੰਕਰੀਟ ਬੈਰੀਅਰ ਨਾਲ ਜਾ ਟਕਰਾਈ। ਪੁਲਿਸ ਵਲੋਂ ਜਾਰੀ ਤਸਵੀਰ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਕਾਰ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਕੁਚਲਿਆ ਗਿਆ ਅਤੇ Airbags ਖੁੱਲ੍ਹੇ ਹੋਏ ਸਨ। ਇਸ ਤੋਂ ਇਲਾਵਾ ਕਾਰ ਦੇ ਅਗਲੇ ਪਾਸੇ ਇੱਕ ਟੁੱਟਿਆ ਹੋਇਆ ਟਾਇਰ ਵੱਖਰਾ ਪਿਆ ਹੋਇਆ ਸੀ।

ਇਨਵੈਸਟੀਗੇਟਰਸ ਵਲੋਂ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਨੇ ਵੀ ਇਸ ਹਾਦਸੇ ਨੂੰ ਦੇਖਿਆ ਹੋਵੇ ਜਾਂ ਇਸ ਦੀ ਡੈਸ਼ ਕੈਮਰਾ ਫੁਟੇਜ ਹੋਵੇ ਤਾਂ ਉਹ ਜਾਂਚ ਵਿਚ ਸਹਿਯੋਗ ਲਈ ਐਬਟਸਫੋਰਡ ਪੁਲਿਸ ਨਾਲ ਸੰਪਰਕ ਕਰ ਸਕਦਾ ਹੈ।