25.65C Vancouver 25.65C VancouverJan 29, 2026 5:24 PM - Connect Newsroom - Ramandeep Kaur with files from The Canadian Press
ਕੈਲਗਰੀ ਵਿਚ ਲਗਾਤਾਰ ਹੋ ਰਹੀਆਂ ਵਾਹਨ ਚੋਰੀ ਦੀਆਂ ਘਟਨਾਵਾਂ ਨੂੰ ਨੱਥ ਪਾਉਂਦੇ ਹੋਏ ਪੁਲਿਸ ਨੇ ਇਕ ਗੁੰਝਲਦਾਰ ਜਾਂਚ ਤੋਂ ਬਾਅਦ 6 ਸਥਾਨਕ ਨਿਵਾਸੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ 'ਤੇ ਕੁੱਲ 107 ਅਪਰਾਧਿਕ ਮਾਮਲੇ ਦਰਜ ਕੀਤੇ ਗਏ ਹਨ। ਇਸ ਕਾਰਵਾਈ ਦੌਰਾਨ ਲਗਭਗ $700,000 ਦੀ ਕੀਮਤ ਦੇ 14 ਚੋਰੀ ਕੀਤੇ ਵਾਹਨ ਬਰਾਮਦ ਕੀਤੇ ਗਏ ਹਨ।ਉਨ੍ਹਾਂ ਟੋਅ ਟਰੱਕ ਦੀ ਵਰਤੋਂ ਕਰਕੇ ਇਕ ਆਟੋ-ਬਾਡੀ ਸ਼ਾਪ ਦੀ ਕੰਧ ਨੂੰ ਟੱਕਰ ਮਾਰ ਕੇ ਤੋੜਿਆ ਤਾਂ ਜੋ ਅੰਦਰ ਖੜ੍ਹੀਆਂ ਮਹਿੰਗੀਆਂ ਗੱਡੀਆਂ ਤੱਕ ਪਹੁੰਚਿਆ ਜਾ ਸਕੇ।
ਦਸੰਬਰ 2025 ਤੋਂ ਸ਼ੁਰੂ ਹੋਈ ਇਸ ਜਾਂਚ ਦੌਰਾਨ ਪਾਇਆ ਗਿਆ ਕਿ ਇਸ ਗਰੁੱਪ ਨੇ 5 ਆਟੋ-ਬਾਡੀ ਸ਼ਾਪਸ ਅਤੇ ਕਈ ਘਰਾਂ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਸੀ।ਪੁਲਿਸ ਨੇ 28 ਸਾਲਾ ਲੋਗਨ ਸਮਿਥ ਅਤੇ 27 ਸਾਲਾ ਰੋਰੀ ਲਿਬਰ 'ਤੇ ਬਿਨਾਂ ਲਾਇਸੈਂਸ ਗੱਡੀ ਚਲਾਉਣ,ਹਥਿਆਰ ਨਾਲ ਹਮਲਾ ਕਰਨ ਅਤੇ ਕਈ ਹੋਰ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ।ਛਾਪੇਮਾਰੀ ਦੌਰਾਨ ਪੁਲਿਸ ਨੂੰ ਚੋਰੀ ਦੇ ਵਾਹਨਾਂ ਤੋਂ ਇਲਾਵਾ ਨਕਦੀ, ਦੋ ਬੰਦੂਕਾਂ ਅਤੇ ਕਈ ਬ੍ਰਾਂਡਿਡ ਹੈਂਡਬੈਗ ਵੀ ਮਿਲੇ ਹਨ।
ਪ੍ਰੋਲਿਫਿਕ ਆਫੈਂਡਰ ਐਂਗੇਜਮੈਂਟ ਟੀਮ ਦੀ ਮਦਦ ਨਾਲ ਇਨ੍ਹਾਂ ਸ਼ੱਕੀ ਨੂੰ ਫੜਿਆ ਗਿਆ ਹੈ। ਇਨ੍ਹਾਂ ਵਾਹਨਾਂ ਦੀ ਕੀਮਤ $8,000 ਤੋਂ ਲੈ ਕੇ $70,000 ਵਿਚਕਾਰ ਹੈ। ਫਿਲਹਾਲ ਸਾਰੇ ਮੁਲਜ਼ਮ ਪੁਲਿਸ ਦੀ ਹਿਰਾਸਤ ਵਿਚ ਹਨ ਅਤੇ ਅਦਾਲਤੀ ਕਾਰਵਾਈ ਜਾਰੀ ਹੈ।
