11.1C Vancouver 11.1C VancouverAug 21, 2025 5:24 PM - Connect Newsroom
ਸਰੀ ਦੇ ਇੱਕ 31 ਸਾਲਾ ਨੌਜਵਾਨ ਖਿਲਾਫ ਡਰੱਗ ਅਤੇ ਕੈਸ਼ ਨਾਲ ਜੁੜੀ ਜਾਂਚ ਦੇ ਸਬੰਧ ਵਿਚ 6 ਦੋਸ਼ ਲਗਾਏ ਗਏ ਹਨ। ਬੀ.ਸੀ. ਦੀ ਸੰਯੁਕਤ ਫੋਰਸਿਜ਼ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਅਤੇ ਯੂਨੀਫਾਰਮ ਗੈਂਗ ਇਨਫੋਰਸਮੈਂਟ ਟੀਮ ਲੰਮੇ ਸਮੇਂ ਤੋਂ ਇਸ ਮਾਮਲੇ ਵਿਚ ਜਾਂਚ ਕਰ ਰਹੇ ਸਨ।
ਨੌਫਲ ਮਹੇਰ ਦੀ ਗੱਡੀ ਨੂੰ ਯੂਨੀਫਾਰਮ ਗੈਂਗ ਇਨਫੋਰਸਮੈਂਟ ਟੀਮ ਦੇ ਅਧਿਕਾਰੀ ਨੇ 24 ਅਗਸਤ 2024 ਨੂੰ ਮੈਪਲ ਰਿਜ ਵਿਚ ਰੋਕਿਆ ਸੀ, ਜਿਸ ਦੌਰਾਨ ਉਹ ਪੈਦਲ ਭੱਜ ਨਿਕਲਿਆ ਪਰ ਉਸ ਨੂੰ ਜਲਦੀ ਹੀ ਗ੍ਰਿਫਤਾਰ ਕਰ ਲਿਆ ਗਿਆ। ਅਧਿਕਾਰੀ ਨੇ ਕਿਹਾ ਕਿ ਉਹ ਪਹਿਲਾਂ ਪੁਲਿਸ ਨੂੰ ਚਕਮਾ ਦੇ ਕੇ ਭੱਜਿਆ ਸੀ।
ਮੇਹਰ ਅਤੇ ਉਸ ਦੀ ਗੱਡੀ ਦੀ ਤਲਾਸ਼ੀ ਲੈਣ ਤੋਂ ਬਾਅਦ ਅਧਿਕਾਰੀਆਂ ਨੇ 1.15 ਕਿਲੋਗ੍ਰਾਮ ਫੈਂਟਾਨਿਲ, 790 ਗ੍ਰਾਮ ਕੋਕੀਨ ਅਤੇ 337 ਗ੍ਰਾਮ ਮੈਥਾਮਫੇਟਾਮਾਈਨ ਸਮੇਤ ਹੋਰ ਨਸ਼ੇ ਤੇ $40,085 ਕੈਸ਼ ਜ਼ਬਤ ਕੀਤਾ, ਇਸ ਦੇ ਨਾਲ ਹੀ ਡੌਜ ਡੁਰੰਗੋ ਵੀ ਕਬਜ਼ੇ ਵਿਚ ਲੈ ਲਈ ਗਈ ਸੀ।
ਉਸ ਖਿਲਾਫ 5 ਤਸਕਰੀ ਦੇ ਮਾਮਲੇ ਅਤੇ 1 ਮਾਮਲਾ ਪੁਲਿਸ ਤੋਂ ਭੱਜਣ ਦਾ ਦਰਜ ਕੀਤਾ ਗਿਆ ਹੈ, ਮੇਹਰ ਰਾਤ 10 ਵਜੇ ਤੋਂ ਸਵੇਰ 6 ਵਜੇ ਦੇ ਕਰਫਿਊ ਸਮੇਤ ਹੋਰ ਸਖ਼ਤ ਸ਼ਰਤਾਂ ਨਾਲ ਜ਼ਮਾਨਤ 'ਤੇ ਹੈ।
