ਬੀਸੀ ਦੇ ਦੱਖਣ-ਪੱਛਮੀ ਪਹਾੜਾਂ ਵਿੱਚ ਭਾਰੀ ਬਰਫ਼ਬਾਰੀ ਦੌਰਾਨ ਛੇ ਸਕਈਅਰਜ਼ ਨੂੰ ਬਚਾਇਆ ਗਿਆ

ਨੌਰਥ ਵੈਨਕੂਵਰ ਦੇ ਟਾਊਨ ਵਿਸਲਰ ਵਿਚ ਬੀਤੇ ਦਿਨ 6 ਸਕੀਅਰਸ ਲਾਪਤਾ ਹੋ ਗਏ ਹਨ, ਜਿਨ੍ਹਾਂ ਨੂੰ ਲੱਭਣ ਲਈ ਨਾਰਥ ਸ਼ੋਰ ਰੈਸਕਿਊ ਟੀਮ ਨੂੰ ਬੁਲਾਇਆ ਗਿਆ ਹੈ।

ਨਾਰਥ ਸ਼ੋਰ ਰੈਸਕਿਊ ਟੀਮ ਨੇ ਸੋਸ਼ਲ ਮੀਡੀਆ ’ਤੇ ਰਾਤ ਲਗਭਗ 8:30 ਵਜੇ ਦੱਸਿਆ ਕਿ ਵਿਸਲਰ ਸਰਚ ਅਤੇ ਰੈਸਕਿਊ ਨੇ ਨਾਰਥ ਸ਼ੋਰ ਦੀ ਰੈਸਕਿਊ ਟੀਮ ਨੂੰ ਮਦਦ ਕਰਨ ਲਈ ਬੁਲਾਇਆ ਤਾਂ ਕਿ ਰਾਤ ਸਮੇਂ ਲਾਪਤਾ ਸਕੀਅਰਸ ਨੂੰ ਲੱਭਿਆ ਜਾ ਸਕੇ।

ਲਾਪਤਾ ਲੋਕਾਂ ਨੂੰ ਲੱਭਣ ਲਈ ਇਕ ਹੈਲੀਕਾਪਟਰ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਵੈਨਕੁਵਰ ਵਿਚ ਮੌਸਮ ਬਹੁਤ ਖਰਾਬ ਹੈ ਅਤੇ ਇਸੇ ਲਈ ਰੈਸਕਿਊ ਹੈਲੀਕਾਪਟਰ ਨੂੰ ਉਡਾਣ ਭਰਨ ਦੀ ਇਜਾਜ਼ਤ ਨਹੀਂ ਮਿਲੀ। ਗ੍ਰਾਊਂਡ ਰੈਸਕਿਊ ਵਿਚ ਵੀ ਕਾਫੀ ਪਰੇਸ਼ਾਨੀ ਆਉਂਦੀ ਰਹੀ ਕਿਉਂਕਿ ਇੱਥੇ ਬਰਫ਼ਬਾਰੀ ਆਉਣ ਦਾ ਖਤਰਾ ਹੈ।

ਸਕੀਅਰਸ ਨੇ ਸਾਈਪ੍ਰਸ ’ਤੇ ਸੰਪਰਕ ਕਰਕੇ ਆਪਣੇ ਲਾਪਤਾ ਹੋਣ ਦੀ ਜਾਣਕਾਰੀ ਦਿੱਤੀ ਸੀ। ਵਿਸਲਰ ਬਲੈਕਕੌਂਬ ਵਿਚ ਰਾਤ 11 ਵਜੇ ਭਾਰੀ ਬਰਫਬਾਰੀ ਹੋਈ, ਜਿਸ ਕਾਰਨ ਤਾਪਮਾਨ-5 ਡਿਗਰੀ ਸੈਲਸੀਅਸ ਦਰਜ ਹੋਇਆ।

ਦੱਸ ਦੇਈਏ ਕਿ ਵਿਸਲਰ ਏਰੀਆ ਬ੍ਰਿਟਿਸ਼ ਕੋਲੰਬੀਆ ਦੇ ਉਨ੍ਹਾਂ ਇਲਾਕਿਆਂ ਵਿਚੋਂ ਇਕ ਹੈ, ਜਿੱਥੇ ਭਾਰੀ ਬਰਫਬਾਰੀ ਦੇ ਬਾਅਦ 4 ਮਾਰਚ ਤੱਕ ਬਰਫਬਾਰੀ ਲਈ ਖਾਸ ਚਿਤਾਵਨੀ ਜਾਰੀ ਕੀਤੀ ਗਈ ਹੈ।