11.35C Vancouver 11.35C VancouverJun 26, 2025 7:40 PM - The Canadian Press
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਲਾਪੂ ਲਾਪੂ ਡੇਅ ਫੈਸਟੀਵਲ ਵਿਚ ਹੋਏ ਕਾਰ ਹਮਲੇ ਦੇ ਦੋ ਮਹੀਨੇ ਬਾਅਦ ਵੀ 6 ਪੀੜਤ ਹਸਪਤਾਲ ਵਿਚ ਹਨ। ਪੁਲਿਸ ਨੇ ਕਿਹਾ ਕਿ ਇੱਕ ਪੀੜਤ ਬੱਚਾ ਜੋ ਹਾਲ ਹੀ ਵਿਚ ਹਸਪਤਾਲ ਵਿਚ ਸੀ, ਉਸ ਨੂੰ ਛੁੱਟੀ ਦੇ ਦਿੱਤੀ ਗਈ ਹੈ ਅਤੇ ਉਹ ਘਰ ਵਿਚ ਠੀਕ ਹੋ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਪੀੜਤਾਂ ਦੀਆਂ ਸੱਟਾਂ ਜਾਂ ਮੈਡੀਕਲ ਸਟੇਟਸ ਬਾਰੇ ਵਿਸਥਾਰ ਵੇਰਵੇ ਨਹੀਂ ਦੇ ਸਕਦੇ। 5 ਜੂਨ ਨੂੰ ਪੁਲਿਸ ਨੇ ਸੱਤ ਲੋਕਾਂ ਦੇ ਹਸਪਤਾਲ ਵਿਚ ਹੋਣ ਅਤੇ ਇਨ੍ਹਾਂ ਵਿਚੋਂ ਇੱਕ ਦੀ ਹਾਲਤ ਗੰਭੀਰ ਹੋਣ ਦੀ ਗੱਲ ਕਹੀ ਸੀ।
ਫਿਲੀਪੀਨੋ ਕਮਿਊਨਿਟੀ ਦੇ ਇਸ ਫੈਸਟੀਵਲ ਵਿਚ ਕਾਰ ਹਮਲੇ ਦੇ ਸ਼ੱਕੀ Adam Kai-Ji Lo 'ਤੇ ਸੈਕਿੰਡ ਡਿਗਰੀ ਮਰਡਰ ਦੇ ਕਈ ਚਾਰਜਿਜ਼ ਹਨ।ਫੰਡਰੇਜ਼ਿੰਗ ਪੇਜ਼ ਮੁਤਾਬਕ, ਇਸ ਘਟਨਾ ਵਿਚ ਜ਼ਖਮੀ ਫਿਲੀਪੀਨੋ ਅੰਤਰਰਾਸ਼ਟਰੀ ਵਿਦਿਆਰਥੀ ਦੇ ਦੋਵੇਂ ਗਿੱਟੇ, ਖੱਬੀ ਲੱਤ ਦੇ ਉੱਪਰਲੇ ਅਤੇ ਹੇਠਲੇ ਹਿੱਸੇ ਵਿਚ ਹੱਡੀਆਂ ਟੁੱਟੀਆਂ ਹਨ ਅਤੇ ਉਸ ਦੇ ਫੇਫੜੇ ਵਿਚ ਵੀ ਸੱਟ ਹੈ। ਗੌਰਤਲਬ ਹੈ ਕਿ ਇਹ ਘਟਨਾ 26 ਅਪ੍ਰੈਲ ਨੂੰ ਵਾਪਰੀ ਸੀ।
