23.57C Vancouver 23.57C VancouverMar 27, 2020 5:13 PM -
ਛੋਟੇ ਵਪਾਰੀਆਂ ਨੂੰ ਸਮਰਥਨ ਦੇਣ ਲਈ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਅੱਜ ਕੁਝ ਐਲਾਨ ਕੀਤੇ ਗਏ ਹਨ।
ਵੇਜ ਸਬਸਿਡੀ ਨੂੰ 10% ਤੋਂ ਵਧਾ ਕੇ 75% ਕੀਤਾ ਜਾ ਰਿਹਾ ਹੈ।
ਨਵੇਂ ਕੈਨੇਡਾ ਐਮਰਜੈਂਸੀ ਬਿਜ਼ਨੈੱਸ ਅਕਾਊਂਟ ਵਿੱਚੋਂ ਕੁਝ ਸ਼ਰਤਾਂ ਪੂਰੀਆਂ ਕਰਨ ਵਾਲੇ ਵਪਾਰਾਂ ਨੂੰ $40,000 ਤੱਕ ਦਾ ਲੋਨ ਮੁਹੱਈਆ ਕਰਵਾਇਆ ਜਾਏਗਾ। ਇਹ ਲੋਨ ਪਹਿਲੇ ਸਾਲ ਲਈ ਵਿਆਜ ਮੁਕਤ ਹੋਵੇਗਾ। ਜੇਕਰ ਲੋੜੀਂਦੀਆਂ ਸ਼ਰਤਾਂ ਪੂਰੀਆਂ ਕੀਤੀਆਂ ਜਾਂਦੀਆਂ ਹਨ ਤਾਂ ਇਸ ਵਿੱਚੋਂ $10,000 ਮੁਆਫ਼ ਵੀ ਹੋ ਸਕਦਾ ਹੈ।
ਜੀ.ਐੱਸ.ਟੀ, ਐੱਚ.ਐੱਸ.ਟੀ. ਅਤੇ ਇੰਪੋਰਟ 'ਤੇ ਲੱਗਣ ਵਾਲੀ ਡਿਊਟੀ ਅਤੇ ਟੈਕਸ ਦੀ ਅਦਾਇਗੀ ਨੂੰ ਜੂਨ ਤੱਕ ਮੁਲਤਵੀ ਕੀਤਾ ਜਾ ਰਿਹਾ ਹੈ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਸ ਐਲਾਨ ਤੋਂ ਬਾਅਦ ਜਿਹੜੇ ਬਿਜ਼ਨੈੱਸ ਆਪਣੇ ਕਾਮਿਆਂ ਨੂੰ ਪਹਿਲਾਂ ਹੀ ਲੇਅ-ਆਫ ਕਰ ਚੁੱਕੇ ਹਨ, ਉਹ ਉਨ੍ਹਾਂ ਨੂੰ ਮੁੜ ਕੰਮ ਤੇ ਰੱਖ ਲੈਣਗੇ।
ਟਰੂਡੋ ਨੇ ਕਿਹਾ ਕਿ ਅੱਜ ਦੇ ਐਲਾਨ ਦਾ ਵੇਰਵਾ ਸੋਮਵਾਰ ਨੂੰ ਸਾਂਝਾ ਕੀਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਪਹਿਲਾਂ ਐਲਾਨੀ ਗਈ 10% ਵੇਜ ਸਬਸਿਡੀ 'ਤੇ ਪ੍ਰਤੀ ਵਪਾਰ $25,000 ਦੀ ਕੈਪ ਸੀ।
