The premier has said the panel will recommend ideas and policy proposals for a referendum after the town halls wrap up in October. (Photo: X @ABDanielleSmith)
ਐਲਬਰਟਾ ਨੈਕਸਟ ਪੈਨਲ ਜਨਤਕ ਸੁਣਵਾਈ ਸ਼ੁਰੂ ਕਰਨ ਲਈ ਤਿਆਰ ਹੈ। ਪ੍ਰੀਮੀਅਰ ਸਮਿਥ ਵੱਲੋਂ ਗਠਿਤ ਕੀਤਾ ਐਲਬਰਟਾ ਨੈਕਸਟ ਪੈਨਲ ਪ੍ਰੀਮੀਅਰ ਸਮਿਥ ਅਤੇ 15 ਹੋਰ ਮੈਂਬਰਾਂ ਦੇ ਨਾਲ ਮਿਲਕੇ ਮੰਗਲਵਾਰ ਨੂੰ ਆਪਣੇ ਦੌਰੇ ਦੇ ਪਹਿਲੇ ਪੜਾਅ ਦੌਰਾਨ ਰੈਡ ਡੀਅਰ ਵਿੱਚ ਲੋਕਾਂ ਦੀਆਂ ਫੈਡਰਲ ਸਰਕਾਰ ਪ੍ਰਤੀ ਚਿੰਤਾਵਾਂ ਅਤੇ ਸ਼ਿਕਾਇਤਾਂ ਦੀ ਸੁਣਵਾਈ ਕਰੇਗਾ।
ਇਸ ਸੁਣਵਾਈ ਵਿੱਚ 650 ਲੋਕਾਂ ਦੇ ਹਿੱਸਾ ਲੈਣ ਦੀ ਉਮੀਦ ਹੈ। ਬੁੱਧਵਾਰ ਨੂੰ ਇਹ ਪੈਨਲ ਐਡਮਿੰਟਨ ਵਿੱਚ ਫੀਡਬੈਕ ਸੁਣੇਗਾ। ਪ੍ਰੀਮੀਅਰ ਸਮਿਥ ਦਾ ਕਹਿਣਾ ਹੈ ਕਿ ਐਲਬਰਟਾ ਨੈਕਸਟ ਪੈਨਲ ਦਾ ਇੱਕ ਉਦੇਸ਼ ਸੂਬੇ ਵਿੱਚ ਵੱਖਵਾਦੀ ਭਾਵਨਾ ਨਾਲ ਉੱਠਣ ਵਾਲੀਆਂ ਆਵਾਜ਼ਾਂ ਦੀ ਸੁਣਵਾਈ ਕਰਨਾ ਹੈ।
ਉਹਨਾਂ ਨੇ ਕਿਹਾ ਕਿ ਇਸ ਪੈਨਲ ਦੇ ਤਹਿਤ ਲੋਕਾਂ ਦੀਆਂ ਫੈਡਰਲ ਸਰਕਾਰ ਪ੍ਰਤੀ ਚਿੰਤਾਵਾਂ ਨੂੰ ਸੁਣ ਕੇ ਉਹਨਾਂ ਚੀਜਾਂ ਨੂੰ ਠੀਕ ਕਰਨ ਦੀ ਮਨਸ਼ਾ ਹੈ, ਜੋ ਸ਼ਿਕਾਇਤਾਂ ਦਾ ਕਾਰਨ ਬਣਦੀਆਂ ਹਨ। ਉਹਨਾਂ ਮੁਤਾਬਕ ਉਹ ਇਹਨਾਂ ਚੀਜ਼ਾਂ ਨੂੰ ਲੈ ਕੇ ਹੀ ਅਗਲੇ ਕੁਝ ਮਹੀਨੇ ਕੰਮ ਕਰਨਗੇ।
ਇਸ ਪੈਨਲ ਦੀ ਆਲੋਚਨਾ ਕਰਦੇ ਹੋਏ ਐਨ.ਡੀ.ਪੀ. ਨੇਤਾ ਨਾਹੀਦ ਨੈਂਸੀ ਨੇ ਕਿਹਾ ਕਿ ਸਮਿਥ ਦਾ ਇਹ ਪੈਨਲ ਜਨਤਾ ਵਿੱਚ ਵੰਡ ਪਾਉਣ ਦਾ ਕੰਮ ਕਰੇਗਾ, ਇਹ ਪੈਨਲ ਗੁਆਂਢੀ ਨੂੰ ਗੁਆਂਢੀ ਦੇ ਵਿਰੁੱਧ ਖੜਾ ਕਰੇਗਾ।
20.97C Vancouver
