17.21C Vancouver 17.21C VancouverSep 29, 2025 1:09 PM - The Canadian Press
ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅਗਵਾਈ ਵਾਲਾ ਐਲਬਰਟਾ ਨੈਕਸਟ ਪੈਨਲ ਅੱਜ ਰਾਤ ਨੂੰ ਕੈਲਗਰੀ ਵਿੱਚ ਆਪਣਾ ਆਖ਼ਰੀ ਟਾਊਨ ਹਾਲ ਕਰੇਗਾ। ਸੂਬੇ ਭਰ ਵਿੱਚ ਜੁਲਾਈ ਤੋਂ ਸ਼ੁਰੂ ਹੋਈ ਐਲਬਰਟਾ ਨੈਕਸਟ ਪੈਨਲ ਦੇ ਟਾਊਨ ਹਾਲਾਂ ਦੀ ਲੜੀ ਦਾ ਇਹ ਦਸਵਾਂ ਅਤੇ ਆਖ਼ਰੀ ਟਾਊਨ ਹਾਲ ਹੋਵੇਗਾ। ਇਨ੍ਹਾਂ ਟਾਊਨ ਹਾਲਾਂ ਦਾ ਉਦੇਸ਼ ਫੈਡਰਲ ਸਰਕਾਰ ਨਾਲ ਸੂਬੇ ਦੇ ਸੰਬੰਧਾਂ ਨੂੰ ਲੈ ਕੇ ਐਲਬਰਟਾ ਵਾਸੀਆਂ ਦੇ ਵਿਚਾਰ ਇਕੱਠੇ ਕਰਨਾ ਸੀ।
ਸੂਬਾ ਸਰਕਾਰ ਇਸ ਪੈਨਲ ਤਹਿਤ ਛੇ ਵਿਚਾਰਾਂ ਨੂੰ ਲੈ ਕੇ ਲੋਕਾਂ ਦੀ ਰਾਏ ਜਾਨਣਾ ਚਾਹੁੰਦੀ ਸੀ,ਜਿਸ ਵਿੱਚ ਸੂਬੇ ਦਾ ਕੈਨੇਡਾ ਪੈਨਸ਼ਨ ਯੋਜਨਾ ਤੋਂ ਵੱਖ ਹੋਣਾ,ਸੂਬੇ ਦੀ ਆਪਣੀ ਪੁਲਿਸ ਫੋਰਸ ਬਣਾਉਣਾ ਅਤੇ ਇੰਮੀਗ੍ਰੇਸ਼ਨ ਵਰਗੇ ਮੁੱਦੇ ਸ਼ਾਮਲ ਸਨ। ਇਨ੍ਹਾਂ ਟਾਊਨ ਹਾਲਾਂ ਦੌਰਾਨ ਸਰਕਾਰ ਨੂੰ ਜ਼ਿਆਦਾਤਰ ਲੋਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲਿਆ ਹੈ।ਕੈਲਗਰੀ ਟਾਊਨ ਹਾਲ ਪੈਨਲ ਦਾ ਵਿਅਕਤੀਗਤ ਤੌਰ ‘ਤੇ ਆਖ਼ਰੀ ਸਮਾਗਮ ਹੈ, ਇਸ ਤੋਂ ਬਾਅਦ ਬੁੱਧਵਾਰ ਰਾਤ ਨੂੰ ਇੱਕ ਟੈਲੀਫੋਨ ਟਾਊਨ ਹਾਲ ਵੀ ਕੀਤਾ ਜਾਵੇਗਾ ।
