11.43C Vancouver 11.43C VancouverMar 30, 2026 1:51 PM - Connect Newsroom - Ramandeep Kaur with files from The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਆਪਣੀ ਪਾਰਟੀ ਅੰਦਰ ਵੱਖ-ਵੱਖ ਵਿਚਾਰਾਂ ਦਾ ਸਤਿਕਾਰ ਕਰਦੀ ਹੈ। ਇਹ ਬਿਆਨ ਉਦੋਂ ਆਇਆ ਜਦੋਂ ਯੂਨਾਈਟੇਡ ਕੰਜ਼ਰਵੇਟਿਵ ਪਾਰਟੀ ਦੇ ਇੱਕ ਵਿਧਾਇਕ ਨੇ ਸੂਬੇ ਨੂੰ ਕੈਨੇਡਾ ਤੋਂ ਵੱਖ ਕਰਨ ਲਈ ਇਕ ਪਟੀਸ਼ਨ ਦਾ ਸਮਰਥਨ ਕੀਤਾ।
ਰੈਡ ਡੀਅਰ-ਸਾਊਥ ਦੇ ਐਮ.ਐਲ.ਏ. ਅਤੇ ਸੰਵਿਧਾਨਕ ਮਾਮਲਿਆਂ ਲਈ ਪ੍ਰੀਮੀਅਰ ਦੇ ਸੰਸਦੀ ਸਕੱਤਰ ਜੇਸਨ ਸਟੀਫਨ ਨੇ ਵਿਚਾਰ ਲੇਖ ਪ੍ਰਕਾਸ਼ਿਤ ਕੀਤਾ। ਇਸ ਵਿੱਚ ਉਨ੍ਹਾਂ ਨੇ ਐਲਬਰਟਾ ਦੇ ਲੋਕਾਂ ਨੂੰ ਇੱਕ ਪਟੀਸ਼ਨ 'ਤੇ ਦਸਤਖਤ ਕਰਨ ਦੀ ਅਪੀਲ ਕੀਤੀ ਹੈ, ਜੋ ਕਿ ਕੈਨੇਡਾ ਤੋਂ ਵੱਖ ਹੋਣ ਲਈ ਰਿਫਰੈਂਡਮ ਦੀ ਮੰਗ ਕਰਦੀ ਹੈ।
ਸਟੀਫਨ ਦਾ ਕਹਿਣਾ ਹੈ ਕਿ ਔਟਵਾ ਦੀਆਂ ਨੀਤੀਆਂ ਐਲਬਰਟਾ ਦੀ ਆਜ਼ਾਦੀ ਅਤੇ ਖੁਸ਼ਹਾਲੀ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ। ਭਾਵੇਂ ਜੇਸਨ ਸਟੀਫਨ ਨੇ ਵੱਖਵਾਦੀ ਪਟੀਸ਼ਨ ਦਾ ਖੁੱਲ੍ਹ ਕੇ ਸਮਰਥਨ ਕੀਤਾ ਹੈ ਪਰ ਪ੍ਰੀਮੀਅਰ ਸਮਿਥ ਨੇ ਦੁਹਰਾਇਆ ਕਿ ਉਨ੍ਹਾਂ ਦੀ ਸਰਕਾਰ ਦਾ ਅਧਿਕਾਰਤ ਸਟੈਂਡ ਬਿਲਕੁਲ ਸਪੱਸ਼ਟ ਹੈ ਕਿ ਉਹ ਸੰਯੁਕਤ ਕੈਨੇਡਾ ਦੇ ਅੰਦਰ ਇੱਕ ਸਾਵਰੇਨ ਐਲਬਰਟਾ ਪੱਖ ਵਿੱਚ ਹਨ।
