ਐਡਮਿੰਟਨ ਵਿੱਚ ਤਾਪਮਾਨ ਵਿੱਚ ਤੇਜ਼ ਗਿਰਾਵਟ ਤੋਂ ਬਾਅਦ ਬਰਫਬਾਰੀ ਦੀ ਸੰਭਾਵਨਾ

ਐਡਮਿੰਟਨ ਵਿੱਚ ਸੋਮਵਾਰ ਨੂੰ ਤਾਪਮਾਨ 16 ਡਿਗਰੀ ਸੈਲਸੀਅਸ ਤੱਕ ਪਹੁੰਚਣ ਤੋਂ ਬਾਅਦ ਅੱਜ ਰਾਤ ਅਤੇ ਬੁੱਧਵਾਰ ਦੌਰਾਨ ਬਰਫਬਾਰੀ ਹੋਣ ਦੀ ਸੰਭਾਵਨਾ ਹੈ। ਅੱਜ ਤਾਪਮਾਨ ਸੋਮਵਾਰ ਨਾਲੋਂ ਲਗਭਗ 10 ਡਿਗਰੀ ਘੱਟ ਰਹੇਗਾ ਅਤੇ ਦਿਨ ਦੌਰਾਨ ਕਦੇ-ਕਦੇ ਮੀਂਹ ਜਾਂ ਮੀਂਹ ਅਤੇ ਬਰਫ਼ ਦਾ ਮਿਲਾ ਜੁਲਿਆ ਮੌਸਮ ਦੇਖਣ ਨੂੰ ਮਿਲ ਸਕਦਾ ਹੈ। ਰਾਤ ਤੱਕ ਇਹ ਵਰਖਾ ਭਾਰੀ ਬਰਫ ਵਿੱਚ ਤਬਦੀਲ ਹੋ ਜਾਵੇਗੀ ਅਤੇ ਇਸ ਬਰਫਬਾਰੀ ਹਿੰਟਨ ਅਤੇ ਗ੍ਰੈਂਡ ਕੈਸ਼ੇ ਤੋਂ ਲੈ ਕੇ ਕੋਲਡ ਲੇਕ ਅਤੇ ਲਾਇਡਮਿੰਸਟਰ ਤੱਕ ਦੇਖਣ ਨੂੰ ਮਿਲ ਸਕਦੀ ਹੈ।

ਇੱਕ ਅਨੁਮਾਨ ਮੁਤਾਬਕ ਇਸ ਖੇਤਰ ਵਿੱਚ 5 ਤੋਂ 15 ਸੈਂਟੀਮੀਟਰ ਤੱਕ ਬਰਫ ਪੈ ਸਕਦੀ ਹੈ, ਜਦਕਿ ਹਿੰਟਨ ਅਤੇ ਗ੍ਰੈਂਡ ਕੈਸ਼ੇ ਇਲਾਕਿਆਂ ਲਈ 20 ਤੋਂ 30 ਸੈਂਟੀਮੀਟਰ ਤੱਕ ਬਰਫ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਬੁੱਧਵਾਰ ਦੌਰਾਨ ਤਾਪਮਾਨ ਲਗਾਤਾਰ ਘਟੇਗਾ ਅਤੇ ਜ਼ਿਆਦਾਤਰ ਸਮੇਂ ਲਈ 0 ਡਿਗਰੀ ਤੋਂ ਥੱਲੇ ਰਹੇਗਾ, ਇਸ ਤੋਂ ਬਾਅਦ ਦੁਪਹਿਰ ਤੱਕ ਇਹ -2 ਜਾਂ -3 ਡਿਗਰੀ ਸੈਲਸੀਅਸ ਤੱਕ ਥੱਲੇ ਆ ਸਕਦਾ ਹੈ।

ਬੁੱਧਵਾਰ ਦੀ ਬਰਫਬਾਰੀ ਤੋਂ ਬਾਅਦ ਵੀਰਵਾਰ ਨੂੰ ਐਡਮੰਟਨ ਵਿੱਚ ਮੌਸਮ ਠੰਢਾ ਅਤੇ ਅਸਮਾਨ ਬੱਦਲਾਂ ਨਾਲ ਭਰਿਆ ਰਹੇਗਾ। ਦੱਖਣੀ ਐਲਬਰਟਾ ਵਿੱਚ ਭਾਰੀ ਬਰਫਬਾਰੀ ਵੀਰਵਾਰ ਸਵੇਰ ਤੱਕ ਜਾਰੀ ਰਹਿ ਸਕਦੀ ਹੈ।