11.32C Vancouver 11.32C VancouverMay 4, 2021 8:32 PM -
ਬੀ.ਸੀ. 'ਚ ਡੈਲਟਾ ਪੁਲਿਸ ਚੀਫ਼ ਦਾ ਕਹਿਣਾ ਹੈ ਕਿ ਲੋਅਰ ਮੇਨਲੈਂਡ 'ਚ ਵਾਪਰੀਆਂ ਹਿੰਸਕ ਘਟਨਾਵਾਂ ਨੂੰ ਸੁਲਝਾਉਣ ਲਈ ਸਾਰੀਆਂ ਖੇਤਰੀ ਅਜੈਂਸੀਆਂ ਮਿਲ ਕੇ ਕੰਮ ਕਰ ਰਹੀਆਂ ਹਨ।
ਚੀਫ਼ ਨੀਲ ਡੁਬੋਰਡ ਨੇ ਮੰਨਿਆ ਕਿ ਜਨਤਕ ਥਾਵਾਂ 'ਤੇ ਵਾਪਰੀਆਂ ਗੋਲੀਬਾਰੀ ਦੀਆਂ ਘਟਨਾਵਾਂ ਤੋਂ ਬਾਅਦ, ਬਹੁਤ ਸਾਰੇ ਲੋਕ ਪ੍ਰੇਸ਼ਾਨ ਮਹਿਸੂਸ ਕਰ ਰਹੇ ਹਨ।
ਇਸੇ ਲੜੀ 'ਚ ਸ਼ਨੀਵਾਰ ਨੂੰ ਸਕੌਟਸਡੇਲ ਸੈਂਟਰ ਮਾਲ ਦੇ ਬਾਹਰ ਗੋਲੀਬਾਰੀ ਦੌਰਾਨ ਇੱਕ ਕ੍ਰੈਕਸ਼ਨਸ ਅਫ਼ਸਰ ਦੀ ਮੌਤ ਹੋ ਗਈ।
ਇਸ ਤੋਂ ਇੱਕ ਦਿਨ ਬਾਅਦ ਬੀਤੇ ਕੱਲ ਲੈਂਗਲੀ 'ਚ ਗੋਲੀ ਚੱਲੀ ਅਤੇ ਇੱਕ ਵਿਅਕਤੀ ਗੰਭੀਰ ਜ਼ਖਮੀ ਹੋ ਗਿਆ।
ਐਤਵਾਰ ਨੂੰ ਹੀ ਬਰਨਬੀ 'ਚ ਇੱਕ ਔਰਤ 'ਤੇ ਗੋਲੀ ਚਲਾਈ ਗਈ ਜਿਸ ਦੀ ਜਾਨ ਬੱਚ ਜਾਣ ਦੇ ਆਸਾਰ ਦੱਸੇ ਜਾ ਰਹੇ ਹਨ।
ਇਸ ਤੋਂ ਇਲਾਵਾ ਸ਼ੁੱਕਰਵਾਰ ਨੂੰ ਸਰੀ 'ਚ ਇੱਕ 19 ਸਾਲਾ ਨੌਜਵਾਨ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ ਹੈ।
ਡੁਬੋਰਡ ਨੇ ਮੰਨਿਆ ਕਿ ਡੈਲਟਾ 'ਚ 29 ਸਾਲਾ ਬਿਕਰਮਦੀਪ ਰੰਧਾਵਾ 'ਤੇ ਹੋਏ ਹਮਲੇ 'ਚ ਗੈਂਗ ਸੰਬੰਧੀ ਹਮਲੇ ਦੇ ਕਈ ਪ੍ਰਮਾਣ ਹਨ ਪਰ ਜਾਂਚ ਅਧਿਕਾਰੀਆਂ ਨੇ ਫਿਲਹਾਲ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਅਤੇ ਜਾਂਚ ਜਾਰੀ ਹੈ।
ਉਨ੍ਹਾਂ ਕਿਹਾ ਕਿ ਲੋਕ ਭਰੋਸਾ ਰੱਖਣ ਅਤੇ ਮਾਮਲੇ ਸੁਲਝਾਏ ਜਾ ਰਹੇ ਹਨ।
