ਐਲਬਰਟਾ ਦੇ ਕੈਨੇਡਾ ਤੋਂ ਵੱਖ ਹੋਣ ਦਾ ਕਈ ਸੂਬਾ ਵਾਸੀਆਂ ਵਲੋਂ ਵਿਰੋਧ

ਐਲਬਰਟਾ ਦੇ ਕੈਨੇਡਾ ਤੋਂ ਵੱਖ ਹੋਣ ਦੇ ਵਿਚਾਰ ਦਾ ਬਹੁਤ ਸਾਰੇ ਸੂਬਾ ਵਾਸੀਆਂ ਵਲੋਂ ਵਿਰੋਧ ਹੋ ਰਿਹਾ ਹੈ ਜਦਕਿ ਕਈ ਇਸ ਦੇ ਹੱਕ ਵਿਚ ਹਨ।ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਦੋ ਹਫਤੇ ਪਹਿਲਾਂ ਇਸ ਨਾਲ ਸਬੰਧਤ ਬਿੱਲ ਪੇਸ਼ ਕੀਤਾ ਗਿਆ ਹੈ, ਜਿਸ ਨਾਲ ਦੇਸ਼ ਤੋਂ ਵੱਖ ਹੋਣ ਲਈ ਰਿਫਰੈਂਡਮ ਕਰਵਾਉਣ ਦਾ ਰਾਹ ਸੌਖਾ ਹੋਵੇਗਾ।

ਰਿਪਬਲਿਕਨ ਪਾਰਟੀ ਆਫ਼ ਐਲਬਰਟਾ ਦੇ ਲੀਡਰ ਕੈਮਰਨ ਡੇਵਿਸ ਨੇ ਕਿਹਾ ਕਿ ਉਹ ਵੀ ਰਿਫਰੈਂਡਮ ਦੇ ਹੱਕ ਵਿਚ ਹਨ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਐਲਬਰਟਾ ਅਤੇ ਕੈਨੇਡਾ ਨੂੰ ਰਿਸ਼ਤੇ ਸੁਧਾਰਣ ਦਾ ਮੌਕਾ ਮਿਲੇਗਾ। ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਸੂਬੇ ਨੂੰ ਵੱਖ ਕਰਨਾ ਚਾਹੁੰਦੇ ਹਨ ਜਦਕਿ ਕੁਝ ਨੇ ਕਿਹਾ ਕਿ ਇਸ ਨਾਲ ਸੂਬੇ ਵਿਚ ਬਹੁਤ ਸਾਰੀਆਂ ਸੇਵਾਵਾਂ ਪ੍ਰਭਾਵਿਤ ਹੋਣਗੀਆਂ।

ਦੱਸ ਦੇਈਏ ਕਿ ਸੂਬੇ ਦੀਆਂ ਕੁਝ ਫਸਟ ਨੇਸ਼ਨਜ਼ ਦੇ ਮੁਖੀਆਂ ਨੇ ਵੀ ਸਪੱਸ਼ਟ ਕੀਤਾ ਹੈ ਕਿ ਉਹ ਕਦੇ ਕੈਨੇਡਾ ਤੋਂ ਸੂਬੇ ਨੂੰ ਵੱਖ ਨਹੀਂ ਕਰਨਗੇ ਅਤੇ ਜੋ ਇਸ ਦੇ ਹੱਕ ਵਿਚ ਹੈ ਇੱਥੋਂ ਬਾਹਰ ਜਾ ਸਕਦਾ ਹੈ।