15.04C Vancouver 15.04C VancouverJan 28, 2020 2:57 PM -
ਬੀਸੀ ਦੀ ਗ੍ਰੀਨ ਪਾਰਟੀ ਦੀ ਮੈਂਬਰ, ਸੋਨੀਆ ਫਰਸਟਨੌ ਜਿਨ੍ਹਾਂ ਨੇ ਆਪਣੇ ਭਾਈਚਾਰੇ ਵਿੱਚ ਕੰਟੈਮੀਨੈਟਿਡ ਸੋਇਲ ਕੁਆਰੀ (contaminated-soil quarry) ਖ਼ਿਲਾਫ਼ ਲੜਾਈ ਲੜੀ ਸੀ ਹੁਣ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿੱਚ ਸ਼ਾਮਲ ਹੋ ਗਏ ਹਨ।
ਵੈਨਕੂਵਰ ਆਈਲੈਂਡ ਦੀ ਕੋਵਿਚੰਨ ਵੈਲੀ ਦੀ ਪ੍ਰਤੀਨਿਧਤਾ ਕਰਦੇ ਫਰਸਟਨੌ ਨੇ ਕੱਲ੍ਹ ਇੱਕ ਪੱਤਰਕਾਰ ਸੰਮੇਲਨ ਦੌਰਾਨ ਇਹ ਵਾਅਦਾ ਕੀਤਾ ਕਿ ਉਹ ਪਾਰਟੀ ਦੀ ਤਰੱਕੀ ਨੂੰ ਬਰਕਰਾਰ ਰੱਖਦਿਆਂ ਚੋਣਾਂ ਵਿੱਚ ਨਵੀਆਂ ਪੁਲਾਂਘਾਂ ਪੁੱਟਣਗੇ।
ਬੀਸੀ ਦੀ ਵਿਧਾਨ ਸਭਾ ਵਿੱਚ ਸਾਬਕਾ ਲੀਡਰ ਐਂਡਰੂ ਵੀਵਰ ਉਦੋਂ ਤੱਕ ਇਕੱਲੇ ਗ੍ਰੀਨ ਮੈਂਬਰ ਸਨ ਜਦ ਤੱਕ 2017 ਦੀਆਂ ਚੋਣਾਂ ਵਿੱਚ ਫਰਸਟਨੌ ਅਤੇ ਐਡਮ ਓਲਸਨ ਨੇ ਜਿੱਤ ਨਹੀਂ ਸੀ ਹਾਸਲ ਕੀਤੀ।
ਕਲਾਈਮੇਟ ਚੇਂਜ (climate change), ਚੋਣ ਪ੍ਰਚਾਰ ਦੇ ਆਰਥਕ ਸਾਧਨ ਅਤੇ ਇਲੈਕਟੋਰਲ ਰਿਫਾਰਮ ਦੇ ਰੈਫਰੈਂਡਮ (referendum on electoral reform) ਵਰਗੇ ਮੁੱਦਿਆਂ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਸੁਰੱਖਿਅਤ ਰੱਖਦਿਆਂ ਇਸ ਤਿੰਨ ਮੈਂਬਰੀ ਕਾਕਸ ਨੇ ਐਨਡੀਪੀ (NDP) ਦੀ ਮਾਈਨੌਰਟੀ ਸਰਕਾਰ ਨੂੰ ਸਹਿਯੋਗ ਦੇਣ ਦਾ ਫ਼ੈਸਲਾ ਕੀਤਾ।
ਸਾਬਕਾ ਗ੍ਰੀਨ ਪਾਰਟੀ ਲੀਡਰ ਐਂਡਰੂ ਵੀਵਰ ਨੇ ਪਿਛਲੇ ਸਾਲ ਪੱਤਝੜ ਵਿੱਚ ਅਹੁਦਾ ਛੱਡਣ ਦਾ ਐਲਾਨ ਕੀਤਾ ਸੀ ਅਤੇ ਕਿਹਾ ਸੀ ਕਿ ਉਹ ਅਗਲੀ ਪੀੜ੍ਹੀ ਨੂੰ ਪਾਰਟੀ ਦੀ ਵਾਗਡੋਰ ਸੰਭਾਲ ਦੇਣਾ ਚਾਹੁੰਦੇ ਹਨ।
ਓਲਸਨ ਜੂਨ ਵਿੱਚ ਪਾਰਟੀ ਦੇ ਲੀਡਰ ਦੀ ਚੋਣ ਹੋ ਜਾਣ ਤੱਕ ਅੰਤਰਿਮ ਲੀਡਰ ਵਜੋਂ ਕੰਮ ਕਰ ਰਹੇ ਹਨ।
