23.44C Vancouver 23.44C VancouverJul 15, 2022 5:51 PM - ANI
ਡਬਲਿਊ. ਐੱਚ. ਓ. ਦੀ ਸਾਊਥ-ਈਸਟ ਰੀਜ਼ਨਲ ਡਾਇਰੈਕਟਰ ਡਾ. ਪੂਨਮ ਖੇਤਰਪਾਲ ਸਿੰਘ ਨੇ ਕਿਹਾ ਹੈ ਕਿ ਮੰਕੀਪੌਕਸ ਨੂੰ ਲੈ ਕੇ ਇਹ ਖੇਤਰ ਅਲਰਟ 'ਤੇ ਹੈ। ਉਨ੍ਹਾਂ ਨਾਲ ਇਹ ਵੀ ਕਿਹਾ ਕਿ ਨੇਸ਼ਨਸ ਇਸ ਨੂੰ ਫੈਲਣ ਤੋਂ ਰੋਕਣ ਤੇ ਤੁਰੰਤ ਇਲਾਜ ਲਈ ਕਦਮ ਚੁੱਕ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਮੰਕੀਪੌਕਸ ਨੂੰ ਹੋਰ ਅੱਗੇ ਫੈਲਣ ਤੋਂ ਰੋਕਣ ਲਈ ਸਮੂਹਿਕ ਧਿਆਨ ਦੇਣ ਤੇ ਮਿਲ-ਜੁਲ ਕੇ ਕਦਮ ਚੁੱਕਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਸਿਹਤ ਉਪਾਵਾਂ ਦੇ ਨਾਲ-ਨਾਲ ਕਮਿਊਨਿਟੀਜ਼ ਦੇ ਨਾਲ ਮਿਲ ਕੇ ਕੰਮ ਕਰਨਾ ਜ਼ਰੂਰੀ ਹੈ, ਤਾਂ ਜੋ ਉੱਚ ਜ਼ੋਖਮ ਵਾਲੇ ਲੋਕਾਂ ਕੋਲ ਇਸ ਦੀ ਜਾਣਕਾਰੀ ਤੇ ਸਪੋਰਟ ਉਪਲਬਧ ਹੋਵੇ, ਜਿਸ ਨਾਲ ਉਹ ਆਪਣਾ ਤੇ ਹੋਰਾਂ ਦਾ ਬਚਾਅ ਕਰ ਸਕਣ।
ਗੌਰਤਲਬ ਹੈ ਕਿ ਡਬਲਿਊ. ਐੱਚ. ਓ. ਸਾਊਥ-ਈਸਟ ਰੀਜ਼ਨ ਵਿਚ ਮੰਕੀਪੌਕਸ ਦਾ ਪਹਿਲਾ ਮਾਮਲਾ ਭਾਰਤ ਵਿਚ ਰਿਪੋਰਟ ਹੋਇਆ ਹੈ। ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਇੱਕ ਵਿਅਕਤੀ ਮਿਡਲ ਈਸਟ ਤੋਂ ਭਾਰਤ ਪਰਤਿਆ ਸੀ, ਜਿਸ ਵਿਚ ਮੰਕੀਪੌਕਸ ਦੇ ਲੱਛਣ ਮਿਲੇ ਹਨ।
ਸਾਲ ਦੀ ਸ਼ੁਰੂਆਤ ਤੋਂ ਹੁਣ ਤੱਕ 60 ਦੇਸ਼ਾਂ ਵਿਚ ਮੰਕੀਪੌਕਸ ਦੇ 6,000 ਤੋਂ ਵੱਧ ਮਾਮਲੇ ਅਤੇ ਤਿੰਨ ਮੌਤਾਂ ਦਰਜ ਕੀਤੀਆਂ ਚੁੱਕੀਆਂ ਹਨ।
