ਸਪੇਨ ਸਰਕਾਰ ਨੇ ਫਲੂ, ਕੋਵਿਡ ਅਤੇ ਸਾਹ ਸਬੰਧੀ ਹੋਰ ਕੇਸਾਂ ਨੂੰ ਦੇਖਦੇ ਹੋਏ ਫੇਸ ਮਾਸਕ ਕੀਤਾ ਲਾਜ਼ਮੀ

ਸਪੇਨ ਸਰਕਾਰ ਨੇ ਫਲੂ, ਕੋਵਿਡ ਅਤੇ ਸਾਹ ਸਬੰਧੀ ਹੋਰ ਕੇਸਾਂ ਵਿਚ ਵਾਧਾ ਦੇਖਦੇ ਹੋਏ ਹਸਪਤਾਲਾਂ ਅਤੇ ਸਿਹਤ ਕੇਂਦਰਾਂ ਵਿਚ ਫੇਸ ਮਾਸਕ ਲਾਜ਼ਮੀ ਕਰ ਦਿੱਤਾ ਹੈ। ਇਹ ਨਿਯਮ ਬੁੱਧਵਾਰ ਤੋਂ ਲਾਗੂ ਹੋ ਰਿਹਾ ਹੈ।

ਇਸ ਫੈਸਲੇ ਦਾ ਕਈ ਸਥਾਨਕ ਪ੍ਰਸ਼ਾਸਨ ਨੇ ਵਿਰੋਧ ਵੀ ਕੀਤਾ ਪਰ ਸਪੇਨ ਦੀ ਨਵੀਂ ਸਿਹਤ ਮੰਤਰੀ ਮੋਨਿਕਾ ਗਾਰਸੀਆ ਨੇ ਉਨ੍ਹਾਂ ਦੇ ਇਤਰਾਜ਼ਾਂ ਨੂੰ ਖਾਰਜ ਕਰ ਦਿੱਤਾ ਅਤੇ ਕਿਹਾ ਕਿ ਇਹ ਮਰੀਜ਼ਾਂ ਅਤੇ ਸਿਹਤ ਪੇਸ਼ੇਵਰ ਦੋਹਾਂ ਦੀ ਸੇਫਟੀ ਲਈ ਹੈ।

ਸਿਹਤ ਮੰਤਰੀ ਮੋਨਿਕਾ ਗਾਰਸੀਆ ਨੇ ਕਿਹਾ ਕਿ ਹਸਪਤਾਲਾਂ ਅਤੇ ਸਿਹਤ ਕੇਂਦਰਾਂ ਵਿਚ ਵਿਜ਼ਿਟ ਕਰਨ ਵਾਲੇ ਸਾਰੇ ਲੋਕਾਂ ਨੂੰ ਮਾਸਕ ਪਾਉਣਾ ਲਾਜ਼ਮੀ ਹੋਵੇਗਾ। ਗੌਰਤਲਬ ਹੈ ਕਿ ਸਪੇਨ ਨੇ ਪਿਛਲੇ ਸਾਲ ਜੁਲਾਈ ਵਿਚ ਕੋਵਿਡ-19 ਪੈਦਾ ਹੋਏ ਸਿਹਤ ਸੰਕਟ ਦੇ ਅੰਤ ਦਾ ਐਲਾਨ ਕੀਤਾ ਸੀ।

ਵਿਸ਼ਵ ਸਿਹਤ ਸੰਸਥਾ ਕੋਵਿਡ ਦੌਰ ਤੋਂ 2023 ਦੇ ਅੰਤ ਤੱਕ ਸਪੇਨ ਨੇ ਲਗਭਗ 14 ਮਿਲੀਅਨ ਕੇਸ ਦਰਜ ਕੀਤੇ ਅਤੇ ਇਸ ਵਾਇਰਸ ਨਾਲ ਲਗਭਗ 122,000 ਮੌਤਾਂ ਦਰਜ ਕੀਤੀਆਂ ਸਨ।