ਸਰੀ ਪੁਲਿਸ ਸਰਵਿਸ ਨੇ ਬੌਡੀ ਵੋਰਨ ਕੈਮਰਾ ਪਾਇਲਟ ਪ੍ਰੋਜੈਕਟ ਕੀਤਾ ਸ਼ੁਰੂ

ਸਰੀ ਪੁਲਿਸ ਸਰਵਿਸ ਬੁੱਧਵਾਰ ਤੋਂ ਛੇ ਮਹੀਨਿਆਂ ਦਾ ਬੌਡੀ ਵੋਰਨ ਕੈਮਰਾ ਪਾਇਲਟ ਪ੍ਰੋਜੈਕਟ ਸ਼ੁਰੂ ਕਰ ਰਹੀ ਹੈ। ਇਸ ਤਹਿਤ ਰੋਡ ਸੇਫਟੀ ਸੈਕਸ਼ਨ ਦੇ 20 ਅਧਿਕਾਰੀ ਇਨ੍ਹਾਂ ਨਾਲ ਲੈਸ ਹੋਣਗੇ। ਬੌਡੀ ਵੋਰਨ ਕੈਮਰੇ ਨਾਲ ਤਾਇਨਾਤ ਐਸਪੀਐਸ ਅਧਿਕਾਰੀ ਸਬੂਤ ਇਕੱਠੇ ਕਰਨ ਦੌਰਾਨ, ਸਰਚ ਵਾਰੰਟ ਅਤੇ ਡਿਊਟੀ ਦੌਰਾਨ ਜਨਤਾ ਨਾਲ ਕਿਸੇ ਘਟਨਾ ਬਾਰੇ ਗੱਲਬਾਤ ਤੱਕ ਦੀ ਗਤੀਵਿਧੀਆਂ ਨੂੰ ਰਿਕੌਰਡ ਕਰਨਗੇ।

ਮੌਜੂਦਾ ਸਮੇਂ ਕਈ ਕੈਨੇਡੀਅਨ ਪੁਲਿਸ ਏਜੰਸੀ ਵਲੋਂ ਬੌਡੀ ਵੋਰਨ ਕੈਮਰੇ ਦੀ ਵਰਤੋਂ ਕੀਤੀ ਜਾ ਰਹੀ ਹੈ, ਜਿਨ੍ਹਾਂ ਵਿਚ ਡੈਲਟਾ, ਵੈਨਕੂਵਰ, ਟੋਰਾਂਟੋ, ਐਡਮਿੰਟਨ ਅਤੇ ਕੈਲਗਰੀ ਪੁਲਿਸ ਸ਼ਾਮਲ ਹਨ। ਸਰੀ ਪੁਲਿਸ ਸਰਵਿਸ ਦੇ Chief Constable Norm Lipinski ਨੇ ਕਿਹਾ ਕਿ ਜਨਤਾ ਨਾਲ ਪਿਛਲੇ ਵਿਚਾਰ ਵਟਾਂਦਰੇ ਤੋਂ ਸਪੱਸ਼ਟ ਹੈ ਕਿ ਸਰੀ ਵਿਚ ਬੌਡੀ ਵੋਰਨ ਕੈਮਰੇ ਦੀ ਸ਼ੁਰੂਆਤ ਲਈ ਲੋਕਾਂ ਦਾ ਮਜਬੂਤ ਸਮਰਥਨ ਹੈ।

ਉਨ੍ਹਾਂ ਕਿਹਾ ਕਿ ਇਸ ਨਾਲ ਪੁਲਿਸ ਦੀ ਜਨਤਾ ਨਾਲ ਇੰਟਰੈਕਸ਼ਨ ਦੌਰਾਨ ਟਰਾਂਸਪੈਂਰੈਂਸੀ ਅਤੇ ਟਰੱਸਟ ਵਿਚ ਵਾਧਾ ਹੋਵੇਗਾ, ਨਾਲ ਹੀ ਸਬੂਤਾਂ ਦੇ ਦਸਤਾਵੇਜ਼ ਨਾਲ ਮੁਕੱਦਮਿਆਂ ਨੂੰ ਸਫਲ ਮੁਕਾਮ ਤੱਕ ਪਹੁੰਚਾਉਣ ਵਿਚ ਮਦਦ ਮਿਲੇਗੀ।