ਵੈਸਟ ਸਾਊਥ ਸਰੀ 'ਚ ਪੈਟਰੋਲਿੰਗ ਦਾ ਚਾਰਜ ਆਪਣੇ ਹੱਥ ਲੈਣ ਜਾ ਰਹੀ ਸਰੀ ਪੁਲਿਸ

ਸਰੀ ਪੁਲਿਸ ਸਰਵਿਸ 28 ਜੁਲਾਈ ਤੋਂ ਸਾਊਥ ਸਰੀ ਦੀ ਵੈਸਟ ਸਾਈਡ ਵਿਚ ਆਰ. ਸੀ. ਐੱਮ.ਪੀ. ਤੋਂ ਪੈਟਰੋਲਿੰਗ ਦਾ ਚਾਰਜ ਆਪਣੇ ਹੱਥਾਂ ਵਿਚ ਲੈ ਰਹੀ ਹੈ। ਇਸ ਤੋਂ ਬਾਅਦ 20 ਨਵੰਬਰ ਤੋਂ ਈਸਟ ਸਾਈਡ ਵਿਚ ਵੀ ਸਟ੍ਰੀਟ ਪੈਟਰੋਲ ਦਾ ਕੰਟਰੋਲ ਐਸ.ਪੀ.ਐਸ.ਕੋਲ ਹੋਵੇਗਾ। ਇਹ ਜਾਣਕਾਰੀ ਚੀਫ਼ ਕਾਂਸਟੇਬਲ ਨੌਰਮ ਲਿਪਿੰਸਕੀ ਵਲੋਂ ਦਿੱਤੀ ਗਈ।

ਲਿਪਿੰਸਕੀ ਨੇ ਕਿਹਾ ਕਿ ਅਸੀਂ ਪੂਰੀ ਤਰ੍ਹਾਂ ਤਿਆਰ ਹਾਂ ਅਤੇ ਇਸ ਤਬਦੀਲੀ ਲਈ ਆਪਣੇ ਸਹਿਯੋਗੀ ਆਰ. ਸੀ. ਐੱਮ. ਪੀ. ਨਾਲ ਮਿਲ ਕੇ ਕੰਮ ਕਰ ਰਹੇ ਹਾਂ ਤਾਂ ਜੋ ਇਹ ਪਰਿਵਰਤਨ ਸੁਚਾਰੂ ਢੰਗ ਨਾਲ ਹੋ ਸਕੇ।

ਇਹ ਸਰੀ ਪੁਲਿਸ ਸਰਵਿਸ ਦੇ ਚੱਲ ਰਹੇ ਤਬਦੀਲੀ ਦਾ ਇੱਕ ਹੋਰ ਦੌਰ ਹੈ, ਐਸ.ਪੀ.ਐਸ. ਹੌਲੀ-ਹੌਲੀ ਸ਼ਹਿਰ ਦੀ ਪੁਲਿਸ ਦੇ ਰੂਪ ਵਿਚ ਪੂਰੀ ਜ਼ਿੰਮੇਵਾਰੀ ਸੰਭਾਲ ਰਹੀ ਹੈ। ਇਸ ਪਰਿਵਰਤਨ ਦੀ ਪ੍ਰਕਿਰਿਆ 2026 ਦੇ ਅਖੀਰ ਜਾਂ 2027 ਦੇ ਸ਼ੁਰੂ ਵਿਚ ਪੂਰੀ ਹੋਣ ਦੀ ਉਮੀਦ ਹੈ। ਮੌਜੂਦਾ ਸਮੇਂ ਐਸ.ਪੀ.ਐਸ. ਦੇ ਫਰੰਟ-ਲਾਈਨ ਅਫਸਰ ਵੈਲੀ ਅਤੇ ਨਿਊਟਨ ਵਿਚ ਪੈਟਰੋਲਿੰਗ ਕਰਦੇ ਹਨ।