13.85C Vancouver 13.85C VancouverJun 4, 2021 8:37 PM -
ਬੀ.ਸੀ. 'ਚ ਰੀਜਨਲ ਡਿਸਟ੍ਰਿਕਟ ਆਫ ਕੀਟਿਮੈਟ-ਸਟੀਕਾਈਨ ਨੇ ਸਟੇਟ ਆਫ ਲੋਕਲ ਐਮਰਜੈਂਸੀ ਐਲਾਨ ਦਿੱਤੀ ਹੈ।
ਸਕੀਨਾ ਰਿਵਰ ਦਾ ਪਾਣੀ ਕੰਢਿਆਂ ਦੇ ਉੱਪਰ ਦੀ ਹੋ ਨਿਕਲਿਆ ਹੈ ਅਤੇ ਇਲਾਕੇ 'ਚ ਹੜ੍ਹਾਂ ਜਿਹੇ ਹਾਲਾਤ ਬਣ ਗਏ ਹਨ।
ਲਗਾਤਾਰ ਹੋਈ ਬਾਰਿਸ਼ ਅਤੇ ਬਰਫ ਪਿਘਲਣ ਕਾਰਨ ਪਾਣੀਆਂ ਦੇ ਪੱਧਰ 'ਚ ਅਚਾਨਕ ਵਾਧਾ ਹੋਇਆ ਹੈ।
ਟੈਰੇਸ ਦੇ ਦੱਖਣਪੱਛਮ 'ਚ ਓਲਡ ਰੇਮੋ ਅਤੇ ਨਿਊ ਰੇਮੋ ਦੀਆਂ ਕਮਿਊਨਿਟੀਸ ਵਿੱਚ ਪਾਣੀਆਂ ਕਾਰਨ 100 ਤੋਂ ਵਧੇਰੇ ਪ੍ਰਾਪਰਟੀਆਂ ਅਤੇ ਘਰਾਂ ਨੂੰ ਖਤਰਾ ਖੜਾ ਹੋ ਗਿਆ ਹੈ।
ਇਲਾਕੇ ਦੀਆਂ ਕਈ ਸੜਕਾਂ 'ਤੇ ਪਾਣੀ ਜਮ੍ਹਾ ਹੋ ਗਿਆ ਹੈ।
ਕਈ ਨੇੜੇ ਦੇ ਇਲਾਕਿਆਂ ਲਈ ਇਵੈਕੂਏਸ਼ਨ ਐਲਰਟ ਜਾਰੀ ਕੀਤੇ ਗਏ ਹਨ।
ਬੀ.ਸੀ. ਦੇ ਉੱਤਰਪੱਛਮ 'ਚ ਕਈ ਦਰਿਆਵਾਂ 'ਚ ਹੜ੍ਹਾਂ ਦੀਆਂ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ।
ਬੀ.ਸੀ. 'ਚ ਤੇਜ਼ੀ ਨਾਲ ਬਰਫ ਪਿਘਲਣ ਕਾਰਨ ਅਤੇ ਕੁਝ ਬਾਰਿਸ਼ਾਂ ਦੇ ਚਲਦਿਆਂ ਹੜ੍ਹਾਂ ਦੀ ਚੇਤਾਵਨੀ ਦਿੱਤੀ ਗਈ ਹੈ।
ਯੂਕੌਨ ਦੇ ਉੱਤਰ ਵਾਲੇ ਪਾਸੇ ਸੈਂਟਰਲ ਕੋਸਟ ਅਤੇ ਸੂਬੇ ਦੇ ਪੂਰਬੀ ਹਿੱਸੇ ਲਈ ਹੜ੍ਹਾਂ ਸੰਬੰਧੀ ਧਿਆਨ ਰੱਖਣ ਅਤੇ ਹਾਈ ਸਟ੍ਰੀਮਫਲੋ ਐਡਵਾਈਜਰੀਆਂ ਜਾਰੀ ਕੀਤੀਆਂ ਗਈਆਂ ਹਨ।
