16.92C Vancouver 16.92C VancouverJul 12, 2021 10:32 PM -
ਰੀਜਨਲ ਡਿਸਟ੍ਰਿਕਟ ਆਫ ਓਕਾਨਾਗਨ-ਸਿਮਿਲਕਮੀਨ 'ਚ ਸਟੇਟ ਆਫ ਲੋਕਲ ਐਮਰਜੈਂਸੀ ਐਲਾਨ ਦਿੱਤੀ ਗਈ ਹੈ।
ਇਸ ਇਲਾਕੇ 'ਚ ਜਾਰੀ ਅੱਗ ਕਾਰਨ 77 ਘਰਾਂ ਲਈ ਖਤਰਾ ਖੜਾ ਹੋ ਗਿਆ ਹੈ।
ਇਹ ਅੱਗ ਸਕਾਹਾ ਲੇਕ ਦੇ ਇਲਾਕੇ 'ਚ ਲੱਗੀ ਦੱਸੀ ਗਈ ਹੈ।
ਇਸ ਇਲਾਕੇ 'ਚ ਕੱਲ ਅੱਗ ਲੱਗਣ ਦੀਆਂ ਖਬਰਾਂ ਉਜਾਗਰ ਹੋਣ ਤੋਂ ਬਾਅਦ 600 ਪ੍ਰਾਪਰਟੀਆਂ ਨੂੰ ਇਵੈਕੂਏਅਸ਼ਨ ਐਲਰਟ 'ਤੇ ਰੱਖਿਆ ਗਿਆ ਹੈ।
ਇਹ ਅੱਗ 5 ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਫੈਲ ਗਈ ਦੱਸੀ ਗਈ ਹੈ।
ਇਸ ਅੱਗ ਨੂੰ ਫਿਲਹਾਲ ਬੇਕਾਬੂ ਦੱਸਿਆ ਗਿਆ ਹੈ।
ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਬੀ.ਸੀ. 'ਚ ਫਿਲਹਾਲ 300 ਤੋਂ ਵਧੇਰੇ ਅੱਗਾਂ ਬਲ ਰਹੀਆਂ ਹਨ।
ਕੈਮਲੂਪਸ ਦੇ ਕੋਲ ਸੰਨ ਪੀਕਸ ਦੇ ਇਲਾਕੇ 'ਚ ਕਰੀਬ 100 ਪ੍ਰਾਪਰਟੀਆਂ ਲਈ ਇਵੈਕੂਏਅਸ਼ਨ ਨਿਰਦੇਸ਼ ਵੀ ਜਾਰੀ ਕੀਤੇ ਗਏ ਹਨ।
