19.53C Vancouver 19.53C VancouverNov 7, 2023 9:30 PM - The Canadian Press
ਕੈਨੇਡਾ ਸਰਕਾਰ ਵੱਲੋਂ ਡੈਂਟਲ ਕੇਅਰ ਪਲੈਨ ਨੂੰ ਸਾਲ ਖ਼ਤਮ ਹੋਣ ਤੋਂ ਪਹਿਲਾਂ ਸ਼ੁਰੂਆਤੀ ਪੜਾਅ ਵਿੱਚ ਸ਼ੁਰੂ ਕੀਤਾ ਜਾ ਸਕਦਾ ਹੈ ਪਰ ਇਸ ਵਿਚਕਾਰ ਸਟੈਟਿਸਟਿਕਸ ਕੈਨੇਡਾ ਦੇ ਨਵੇਂ ਅੰਕੜੇ ਸਾਹਮਣੇ ਆਏ ਹਨ ਜੋ ਦੱਸਦੇ ਹਨ ਕਿ 2021 ਅਤੇ 2022 ਵਿਚਕਾਰ ਦੇ 12 ਮਹੀਨਿਆਂ ਵਿੱਚ ਤਿੰਨ ਵਿੱਚੋਂ ਇੱਕ ਕੈਨੇਡੀਅਨ ਨੇ ਦੰਦਾਂ ਦੇ ਡਾਕਟਰ ਕੋਲ ਵਿਜ਼ਟ ਨਹੀਂ ਕੀਤਾ।
ਇਸ ਦੀ ਵੱਡੀ ਵਜ੍ਹਾ ਕੌਸਟ ਅਤੇ ਬੀਮੇ ਦੀ ਘਾਟ ਹੈ।
ਰਿਪੋਰਟ ਮੁਤਾਬਕ, 60 ਹਜ਼ਾਰ ਕੈਨੇਡੀਅਨਜ਼ 'ਤੇ ਕੀਤੇ ਗਏ ਸਰਵੇ ਵਿੱਚ ਇੱਕ ਤਿਹਾਈ ਤੋਂ ਵੱਧ ਲੋਕਾਂ ਨੇ ਉਨ੍ਹਾਂ ਕੋਲ ਕੋਈ ਦੰਦਾਂ ਦਾ ਬੀਮਾ ਨਾ ਹੋਣ ਦੀ ਰਿਪੋਰਟ ਕੀਤੀ।
ਕੈਨੇਡੀਅਨ ਡੈਂਟਲ ਐਸੋਸੀਏਸ਼ਨ ਦੀ ਪ੍ਰਧਾਨ ਡਾਕਟਰ ਹੈਦਰ ਕਾਰ ਨੇ ਕਿਹਾ ਕਿ ਇਹ ਅੰਕੜੇ ਚਿੰਤਾਜਨਕ ਹਨ ਕਿਉਂਕਿ ਕਿਸੇ ਵਿਅਕਤੀ ਦੀ ਓਵਰ ਆਲ ਹੈਲਥ ਕੇਅਰ ਨਾਲ ਜੁੜੀ ਹੁੰਦੀ ਹੈ।
ਸਟੈਟਿਸਟਿਕਸ ਕੈਨੇਡਾ ਦੇ ਅਧਿਕਾਰੀ ਸ਼ੌਨ ਬਰੂਲ ਨੇ ਕਿਹਾ ਕਿ ਨਵਾਂ ਡੇਟਾ ਨੈਸ਼ਨਲ ਡੈਂਟਲ ਕੇਅਰ ਪਲੈਨ ਲਈ ਉਪਯੋਗੀ ਹੋ ਸਕਦਾ ਹੈ, ਜਿਸ ਤੋਂ ਇਹ ਪਤਾ ਲੱਗਦਾ ਹੈ ਕਿ ਕਿਹੜੇ ਕਾਰਨਾਂ ਕਰਕੇ ਲੋਕ ਦੰਦਾਂ ਦੇ ਡਾਕਟਰ ਕੋਲ ਵਿਜ਼ਿਟ ਨਹੀਂ ਕਰ ਪਾ ਰਹੇ।
ਗੌਰਤਲਬ ਹੈ ਕਿ ਡੈਂਟਲ ਕੇਅਰ ਪਲੈਨ ਨੂੰ ਸ਼ੁਰੂਆਤੀ ਪੜਾਅ ਵਿੱਚ 18 ਸਾਲ ਤੋਂ ਘੱਟ ਉਮਰ ਦੇ ਕੈਨੇਡੀਅਨਜ਼ ਅਤੇ ਬਜ਼ੁਰਗ ਲਈ ਸ਼ੁਰੂ ਕੀਤੇ ਜਾਣ ਦੀ ਉਮੀਦ ਹੈ।
