14.78C Vancouver 14.78C VancouverDec 17, 2024 5:49 PM - Connect Newsroom
ਕੈਨੇਡੀਅਨ ਮਹਿੰਗਾਈ ਤਿੰਨ ਮਹੀਨਿਆਂ ਵਿਚ ਦੂਜੀ ਵਾਰ ਕੇਂਦਰੀ ਬੈਂਕ ਦੇ ਦੋ ਫੀਸਦੀ ਟਾਰਗੇਟ ਤੋਂ ਹੇਠਾਂ ਡਿੱਗ ਗਈ ਹੈ। ਸਟੈਟਿਸਟਿਕਸ ਕੈਨੇਡਾ ਨੇ ਅੱਜ ਜਾਰੀ ਕੀਤੀ ਗਈ ਰਿਪੋਰਟ ਵਿਚ ਦੱਸਿਆ ਕਿ ਨਵੰਬਰ ਵਿਚ ਮਹਿੰਗਾਈ ਦਰ 1.9 ਫੀਸਦੀ ਦਰਜ ਹੋਈ ਹੈ। ਏਜੰਸੀ ਨੇ ਕਿਹਾ ਕਿ ਪਿਛਲੇ ਮਹੀਨੇ ਗੈਸੋਲੀਨ ਕੀਮਤਾਂ ਵਿਚ ਸਥਿਰਤਾ ਰਹੀ।
ਉਥੇ ਹੀ, ਬਲੈਕ ਫਰਾਈਡੇ ਸੇਲ ਨੇ ਵੀ ਪਿਛਲੇ ਮਹੀਨੇ ਕੀਮਤਾਂ ਨੂੰ ਹੇਠਾਂ ਲਿਆਉਣ ਵਿਚ ਮਦਦ ਕੀਤੀ। ਕਰਿਆਨਾ ਕੀਮਤਾਂ ਵਿਚ ਸਾਲਾਨਾ ਆਧਾਰ ’ਤੇ 2.6 ਫੀਸਦੀ ਦਾ ਵਾਧਾ ਹੋਇਆ ਪਰ ਅਕਤੂਬਰ ਦੇ 2.7 ਫੀਸਦੀ ਵਾਧੇ ਦੀ ਤੁਲਨਾ ਵਿਚ ਇਹ ਘੱਟ ਸੀ।
ਦੱਸ ਦੇਈਏ ਕਿ ਬੈਂਕ ਆਫ ਕੈਨੇਡਾ ਦੇ 29 ਜਨਵਰੀ 2025 ਨੂੰ ਵਿਆਜ ਦਰਾਂ ਬਾਰੇ ਅਗਲੇ ਫੈਂਸਲੇ ਤੋਂ ਪਹਿਲਾਂ ਜਾਰੀ ਹੋਣ ਵਾਲੀਆਂ ਮਹਿੰਗਾਈਆਂ ਦੀਆਂ ਦੋ ਰਿਪੋਰਟਾਂ ਵਿਚੋਂ ਇਹ ਪਹਿਲੀ ਰਿਪੋਰਟ ਹੈ।
ਗਵਰਨਰ ਟਿਫ ਮੈਕਲੇਮ ਨੇ ਪਿਛਲੇ ਹਫਤੇ ਸੰਕੇਤ ਦਿੱਤਾ ਸੀ ਕਿ ਵਿਆਜ ਦਰਾਂ ਵਿਚ ਅੱਗੇ ਦੀ ਕਟੌਤੀ ਹੌਲੀ ਕੀਤੀ ਜਾ ਸਕਦੀ ਹੈ। ਹਾਲਾਂਕਿ, ਕਰੰਸੀ ਮਾਰਕਿਟ ਦਾ ਅਨੁਮਾਨ ਹੈ ਕਿ ਜਨਵਰੀ ਵਿਚ 25 ਆਧਾਰ ਅੰਕ ਦਾ ਇੱਕ ਹੋਰ ਰੇਟ ਕੱਟ ਹੋ ਸਕਦਾ ਹੈ।
