26.41C Vancouver 26.41C VancouverJun 30, 2021 3:29 PM -
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਅਪ੍ਰੈਲ 2020 ਵਿੱਚ ਮਹਾਂਮਾਰੀ ਦੀ ਪਹਿਲੀ ਲਹਿਰ ਤੋਂ ਬਾਅਦ ਇਸ ਸਾਲ ਅਪ੍ਰੈਲ ਮਹੀਨੇ ਵਿੱਚ ਰੀਅਲ ਗਰੌਸ ਡੋਮੈਸਟਿਕ ਪ੍ਰੋਡਕਟ 'ਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।
ਏਜੰਸੀ ਮੁਤਾਬਕ ਰੀਅਲ ਗਰੌਸ ਡੋਮੈਸਟਿਕ ਪ੍ਰੋਡਕਟ 'ਚ ਅਪ੍ਰੈਲ ਵਿੱਚ 0.3 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਮੁੱਢਲਾ ਅੰਦਾਜ਼ਾ ਸੀ ਕਿ ਅਪ੍ਰੈਲ ਵਿੱਚ ਇਹ ਗਿਰਾਵਟ 0.8 ਫ਼ੀਸਦੀ ਦੀ ਹੋਵੇਗੀ।
ਸਟੈਟਿਸਟਿਕਸ ਕੈਨੇਡਾ ਦੇ ਮੁਢਲੇ ਅਨੁਮਾਨ ਅਨੁਸਾਰ ਕੋਵਿਡ -19 ਮਹਾਂਮਾਰੀ ਦੀ ਤੀਸਰੀ ਲਹਿਰ ਕਾਰਣ ਲੱਗੀਆਂ ਪਾਬੰਦੀਆਂ ਸਦਕਾ ਮਈ ਵਿੱਚ ਵੀ 0.3 ਫ਼ੀਸਦੀ ਦੀ ਗਿਰਾਵਟ ਨਜ਼ਰ ਆਵੇਗੀ।
ਅਪ੍ਰੈਲ ਵਿੱਚ ਆਈ ਗਿਰਾਵਟ ਦੇ ਨਾਲ ਨਾਲ ਮਈ ਦੇ ਸ਼ੁਰੂਆਤੀ ਅਨੁਮਾਨ ਨੇ ਸਮੁੱਚੀ ਆਰਥਿਕ ਗਤੀਵਿਧੀਆਂ ਨੂੰ ਫਰਵਰੀ 2020 ਵਿੱਚ ਮਹਾਂਮਾਰੀ ਤੋਂ ਪਹਿਲਾਂ ਦੇ ਪੱਧਰ ਤੋਂ ਇਕ ਪ੍ਰਤੀਸ਼ਤ ਹੇਠਾਂ ਕਰ ਦਿੱਤਾ ਹੈ।
ਧਿਆਨ ਹੁਣ ਜੂਨ ਦੇ ਅੰਕੜਿਆਂ ਵੱਲ ਹੋਵੇਗਾ, ਜਿਥੇ ਮਾਹਰ ਖਪਤਕਾਰਾਂ ਦੀ ਅਗਵਾਈ ਵਾਲੇ ਰਿਕਵਰੀ ਦੇ ਸੰਕੇਤਾਂ ਦੀ ਉਮੀਦ ਕਰ ਰਹੇ ਹਨ ਕਿਉਂਕਿ ਟੀਕਾਕਰਣ ਦੀਆਂ ਦਰਾਂ ਵੱਧ ਰਹੀਆਂ ਹਨ, ਪਾਬੰਦੀਆਂ ਵਿੱਚ ਢਿੱਲ ਦਿੱਤੀ ਜਾ ਰਹੀ ਹੈ ਅਤੇ ਕਨੇਡੀਅਨ ਲੋਕਾਂ ਨੂੰ ਚੀਜ਼ਾਂ ਅਤੇ ਸੇਵਾਵਾਂ 'ਤੇ ਖਰਚ ਕਰਨ ਦਾ ਮੌਕਾ ਮਿਲਣ ਦਾ ਅੰਦਾਜ਼ਾ ਹੈ।
