11.82C Vancouver 11.82C VancouverJun 30, 2020 3:35 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਅਪਰੈਲ ਮਹੀਨੇ ਵਿੱਚ ਮਹਾਂਮਾਰੀ ਕਾਰਨ ਹੋਏ ਪ੍ਰਭਾਵ ਸਦਕਾ ਅਰਥ ਵਿਵਸਥਾ ਵਿੱਚ ਇੱਕ ਮਹੀਨੇ ਦੇ ਅੰਦਰ ਆਉਣ ਵਾਲੀ ਸਭ ਤੋਂ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਜਿਸ ਵਿੱਚ ਮੁੱਢਲੇ ਅੰਦਾਜ਼ੇ ਅਨੁਸਾਰ ਮਈ ਵਿੱਚ ਸੁਧਾਰ ਹੋਣ ਦੀ ਆਸ ਹੈ।
ਮਾਰਚ ਮਹੀਨੇ ਵਿੱਚ 7.5 ਫੀਸਦੀ ਗਿਰਾਵਟ ਤੋਂ ਬਾਅਦ ਅਪਰੈਲ ਮਹੀਨੇ ਵਿੱਚ ਗ਼ੈਰ ਜ਼ਰੂਰੀ ਵਪਾਰ ਬੰਦ ਰਹਿਣ ਕਾਰਨ ਏਜੰਸੀ ਅਨੁਸਾਰ ਕੁੱਲ ਘਰੇਲੂ ਉਤਪਾਦ (GPD) ਵਿੱਚ 11.6 ਫੀਸਦੀ ਗਿਰਾਵਟ ਆਈ।
ਸਟੈਟਿਸਟਿਕਸ ਕੈਨੇਡਾ ਅਨੁਸਾਰ ਮਈ ਮਹੀਨੇ ਬਾਰੇ ਲਾਏ ਗਏ ਮੁੱਢਲੇ ਅੰਦਾਜ਼ੇ ਅਨੁਸਾਰ 3 ਫੀਸਦੀ ਦਾ ਵਾਧਾ ਹੁੰਦਾ ਦੇਖਿਆ ਜਾ ਸਕਦਾ ਹੈ ਪਰ ਇਸ ਨੂੰ ਜੁਲਾਈ ਦੇ ਅੰਤ ਵਿੱਚ ਸੋਧਿਆ ਅਤੇ ਤਿਆਰ ਕੀਤਾ ਜਾਵੇਗਾ।
ਫਾਈਨੈਂਸ਼ਲ ਮਾਰਕਿਟ ਦੀ ਡਾਟਾ ਫਰਮ ਰੈਫੀਨਿਟੀਵ ਮੁਤਾਬਕ ਅਰਥ ਸ਼ਾਸਤਰੀਆਂ ਵੱਲੋਂ ਅਪਰੈਲ ਵਿੱਚ ਅਰਥ ਵਿਵਸਥਾ ਵਿਚ 13 ਫੀਸਦੀ ਗਿਰਾਵਟ ਆਉਣ ਦਾ ਅੰਦਾਜ਼ਾ ਲਾਇਆ ਗਿਆ ਸੀ।
ਕੋਵਿਡ-19 ਦੇ ਫੈਲਾਅ ਨੂੰ ਘਟਾਉਣ ਲਈ ਜ਼ਿਆਦਾਤਰ ਫੈਕਟਰੀਆਂ ਬੰਦ ਰਹੀਆਂ ਜਿਸ ਕਾਰਨ ਅਪਰੈਲ ਵਿੱਚ ਉਤਪਾਦਨ 22.5 ਫੀਸਦੀ ਘੱਟ ਦੇਖਣ ਨੂੰ ਮਿਲਿਆ।
ਮਾਰਚ ਮਹੀਨੇ ਵਿੱਚ ਜਿੱਥੇ ਰਿਹਾਇਸ਼ ਅਤੇ ਖਾਣ ਪੀਣ ਦੀਆਂ ਸੇਵਾਵਾਂ ਦੇ ਖੇਤਰ ਦੇ ਨਤੀਜਿਆਂ ਵਿੱਚ 37.1 ਫੀਸਦੀ ਗਿਰਾਵਟ ਦੇਖਣ ਨੂੰ ਮਿਲੀ ਉੱਥੇ ਹੀ ਅਪਰੈਲ ਵਿੱਚ 42.4 ਫੀਸਦੀ ਗਿਰਾਵਟ ਨਜ਼ਰ ਆਈ।
