20.1C Vancouver 20.1C VancouverJul 3, 2025 2:26 PM - The Canadian Press
ਕੈਨੇਡਾ ਦਾ ਵਪਾਰ ਘਾਟਾ ਮਈ ਵਿਚ ਅਪ੍ਰੈਲ ਦੇ ਰਿਕਾਰਡ ਘਾਟੇ ਤੋਂ ਘੱਟ ਹੋ ਗਿਆ ਹੈ। ਅਮਰੀਕਾ ਤੋਂ ਇਲਾਵਾ ਦੂਜੇ ਦੇਸ਼ਾਂ ਨੂੰ ਐਕਸਪੋਰਟ ਨੇ ਕੈਨੇਡਾ ਦੇ ਵਪਾਰ ਘਾਟੇ ਨੂੰ ਘਟਾਉਣ ਵਿਚ ਮਦਦ ਕੀਤੀ।
ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਸੋਨੇ ਦੇ ਨਿਰਯਾਤ ਵਿਚ ਵਾਧੇ ਨਾਲ ਮਈ ਵਿਚ ਦੇਸ਼ ਦਾ ਵਪਾਰ ਘਾਟਾ $5.9 ਬਿਲੀਅਨ ਰਿਹਾ, ਜੋ ਅਪ੍ਰੈਲ ਵਿਚ $7.6 ਬਿਲੀਅਨ ਦੇ ਰਿਕਾਰਡ ਨੂੰ ਛੂਹ ਗਿਆ ਸੀ। ਮਈ ਵਿਚ ਕੈਨੇਡਾ ਨੇ ਐਕਸਪੋਰਟ ਵਿਚ 1.1 ਫੀਸਦੀ ਦਾ ਵਾਧਾ ਦਰਜ ਕੀਤਾ, ਜਦੋਂ ਕਿ ਇਸ ਤੋਂ ਪਿਛਲੇ ਮਹੀਨੇ ਵਿਚ ਇਹ 11 ਫੀਸਦੀ ਡਿੱਗ ਗਿਆ ਸੀ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਅਮਰੀਕਾ ਨਾਲ ਟਰੇਡ ਵਾਰ ਦਾ ਪ੍ਰਭਾਵ ਅਜੇ ਵੀ ਜਾਰੀ ਹੈ ਪਰ ਹੋਰ ਮੁਲਕਾਂ ਨੂੰ ਸ਼ਿਪਮੈਂਟ ਨੇ ਨਵਾਂ ਮੁਕਾਮ ਹਾਸਲ ਕੀਤਾ ਹੈ। ਮਈ ਵਿਚ ਸੋਨੇ ਨੇ ਖਾਸ ਤੌਰ 'ਤੇ ਕੈਨੇਡਾ ਦੇ ਐਕਸਪੋਰਟ ਨੂੰ ਪੌਜ਼ੀਟਿਵ ਰੱਖਣ ਵਿਚ ਅਗਵਾਈ ਕੀਤੀ।
ਸਟੈਟਸਕੈਨ ਨੇ ਕਿਹਾ ਕਿ ਇਹ ਚਾਰ ਮਹੀਨਿਆਂ ਵਿਚ ਐਕਸਪੋਰਟ ਵਿਚ ਪਹਿਲਾ ਵਾਧਾ ਹੈ ਅਤੇ 2020 ਦੇ ਮਹਾਮਾਰੀ ਸਾਲ ਨੂੰ ਛੱਡ ਕੇ ਮਈ ਵਿਚ ਅਮਰੀਕਾ ਨੂੰ ਐਕਸਪੋਰਟ ਅਤੇ ਇੰਪੋਰਟ ਆਪਣੇ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਏ ਹਨ।
