15.22C Vancouver 15.22C VancouverOct 7, 2025 2:20 PM - The Canadian Press
ਕੈਨੇਡਾ ਨੇ ਅਗਸਤ ਵਿਚ $6.32-ਬਿਲੀਅਨ ਦਾ ਵਪਾਰ ਘਾਟਾ ਦਰਜ ਕੀਤਾ ਹੈ। ਇਹ ਦੇਸ਼ ਦਾ ਦੂਜਾ ਸਭ ਤੋਂ ਵੱਡਾ ਰਿਕਾਰਡ ਵਪਾਰ ਘਾਟਾ ਹੈ।ਸਟੈਟਿਸਟਿਕਸ ਡਿਪਾਰਟਮੈਂਟ ਵਲੋਂ ਮੰਗਲਵਾਰ ਜਾਰੀ ਕੀਤੇ ਗਏ ਡੇਟਾ ਮੁਤਾਬਕ,ਅਗਸਤ ਵਿਚ ਵਪਾਰ ਘਾਟਾ ਨਾ ਸਿਰਫ਼ ਕੈਨੇਡਾ ਦੇ ਪ੍ਰਮੁੱਖ ਵਪਾਰਕ ਭਾਈਵਾਲ ਅਮਰੀਕਾ ਨੂੰ ਐਕਸਪੋਰਟ ਵਿਚ ਗਿਰਾਵਟ ਕਾਰਨ ਵਧਿਆ ਸਗੋਂ ਇਸ ਦੌਰਾਨ ਦੁਨੀਆ ਦੇ ਬਾਕੀ ਹਿੱਸਿਆਂ ਨੂੰ ਵੀ ਸ਼ਿਪਮੈਂਟ ਵਿਚ ਕਮੀ ਆਈ।
ਸਟੈਟਕੈਨ ਮੁਤਾਬਕ,ਵਪਾਰਕ ਘਾਟੇ ਵਿਚ ਪ੍ਰਮੁੱਖ ਭੂਮਿਕਾ ਗੋਲਡ ਦੇ ਐਕਸਪੋਰਟ ਵਿਚ ਗਿਰਾਵਟ ਨੇ ਨਿਭਾਈ। ਇਸ ਤੋਂ ਇਲਾਵਾ ਲੱਕੜ,ਮਸ਼ੀਨਰੀ ਅਤੇ ਉਪਕਰਣਾਂ ਸਮੇਤ ਹੋਰ ਉਤਪਾਦ ਸ਼੍ਰੇਣੀਆਂ ਨੇ ਵੀ ਗਿਰਾਵਟ ਵਿਚ ਯੋਗਦਾਨ ਪਾਇਆ।
ਅਮਰੀਕਾ ਨੂੰ ਐਕਸਪੋਰਟ ਵਿਚ 3.4 ਫੀਸਦੀ ਦੀ ਕਮੀ ਆਈ,ਜਿਸ ਦਾ ਇੱਕ ਕਾਰਨ ਗੋਲਡ ਐਕਸਪੋਰਟ ਵਿਚ ਗਿਰਾਵਟ ਸੀ। ਬੈਂਕ ਔਫ ਮਾਂਟਰੀਅਲ ਦੀ ਸੀਨੀਅਰ ਅਰਥ ਸ਼ਾਸਤਰੀ ਸ਼ੈਲੀ ਕੌਸ਼ਿਕ ਨੇ ਕਿਹਾ ਕਿ ਸਾਫਟਵੁੱਡ ਲੱਕੜ ਅਤੇ ਫਾਰਮਾਸਿਊਟੀਕਲਸ ਲਈ ਹਾਲ ਹੀ ਵਿਚ ਐਲਾਨੇ ਵਾਧੂ ਟੈਰਿਫ ਕੈਨੇਡਾ ਲਈ ਅੱਗੇ ਹੋਰ ਚੁਣੌਤੀ ਬਣ ਸਕਦੇ ਹਨ।
