Statistics Canada says real GDP down 0.1 per cent in April as manufacturing slowed

ਕੈਨੇਡੀਅਨ ਅਰਥਵਿਵਸਥਾ ਨੇ ਅਪ੍ਰੈਲ ਵਿਚ 0.1 ਫੀਸਦੀ ਗਿਰਾਵਟ ਦਾ ਕੀਤਾ ਸਾਹਮਣਾ

Share On

statistics-canada-says-real-gdp-down-0-1-per-cent-in-april-as-manufacturing-slowed

The agency also says its advance estimate for May points to another 0.1 per cent decline for that month.(Photo: The Canadian Press)

ਕੈਨੇਡੀਅਨ ਅਰਥਵਿਵਸਥਾ ਨੇ ਅਪ੍ਰੈਲ ਵਿਚ 0.1 ਫੀਸਦੀ ਗਿਰਾਵਟ ਦਾ ਸਾਹਮਣਾ ਕੀਤਾ ਹੈ,ਸਰਕਾਰ ਦੇ ਸਟੈਟਿਸਟਿਕਸ ਵਿਭਾਗ ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਰਿਪੋਰਟ ਵਿਚ ਮਈ ਲਈ ਪੂਰਵ ਅਨੁਮਾਨ ਵਿਚ ਵੀ ਇੰਨੀ ਹੀ ਗਿਰਾਵਟ ਦਿਖਾਈ ਗਈ ਹੈ।

ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਇਸ ਦੌਰਾਨ ਨਿਰਮਾਣ ਸੈਕਟਰ ਵਿਚ 1.9 ਫੀਸਦੀ ਦੀ ਗਿਰਾਵਟ ਦੇਖੀ ਗਈ, ਜੋ ਅਪ੍ਰੈਲ 2021 ਤੋਂ ਬਾਅਦ ਸਭ ਤੋਂ ਵੱਡੀ ਗਿਰਾਵਟ ਹੈ ਅਤੇ ਇਸ ਕਾਰਨ ਮਾਲ-ਉਤਪਾਦਨ ਉਦਯੋਗ ਵਿਚ ਗਤਵਿਧੀ ਮੱਧਮ ਹੋਈ।

ਆਟੋ ਮੈਨੂਫੈਕਚਰਿੰਗ ਇਸ ਦੌਰਾਨ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ, ਜਿਸ ਦੇ ਕਾਰਨ ਏਜੰਸੀ ਨੇ ਆਟੋ ਇੰਡਸਟਰੀ ਵਿਚ ਵਪਾਰ ਯੁੱਧ ਕਾਰਨ ਪੈਦਾ ਹੋਈ ਅਨਿਸ਼ਚਿਤਤਾ ਨੂੰ ਦੱਸਿਆ ਹੈ ਕਿਉਂਕਿ ਕਾਰ ਨਿਰਮਾਤਾਵਾਂ ਨੇ ਟਰੰਪ ਵਲੋਂ ਲਗਾਏ ਗਏ ਟੈਰਿਫ ਦੇ ਜਵਾਬ ਵਿਚ ਉਤਪਾਦਨ ਘਟਾ ਦਿੱਤਾ ਸੀ। ਆਟੋ ਅਤੇ ਮੋਟਰ ਵਾਹਨ ਪਾਰਟਸ ਨਾਲ ਸਬੰਧਤ ਹੋਲਸੇਲ ਟਰੇਡ ਵਿਚ ਵੀ ਗਿਰਾਵਟ ਦੇਖੀ ਗਈ।

ਗੌਰਤਲਬ ਹੈ ਕਿ ਅਰਥਵਿਵਸਥਾ ਵਿਚ ਗਿਰਾਵਟ ਦਾ ਇਹ ਤਾਜ਼ਾ ਅੰਕੜਾ ਇਸ ਸਾਲ ਦੇ ਅੰਤ ਵਿਚ ਅਮਰੀਕੀ ਵਪਾਰ ਯੁੱਧ ਕਾਰਨ ਸੰਭਾਵੀ ਮੰਦੀ ਦੇ ਡਰ ਦੇ ਵਿਚਕਾਰ ਆਇਆ ਹੈ।

ਕੈਨੇਡਾ ਨਾਲ ਟ੍ਰੇ਼ਡ ਵਾਰ ਵਿਚਕਾਰ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਸੰਕੇਤ ਦਿੱਤਾ ਹੈ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਇੱਕ ਵਪਾਰਕ ਸਮਝੌਤਾ ਬਹੁਤ ਜਲਦ ਹੋ ਸਕਦਾ ਹੈ। ਉਨ੍ਹਾਂ ਇਹ ਟਿੱਪਣੀ ਵੀਕੈਂਡ ਦੌਰਾਨ ਆਈਰਲੈਂਡ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤੀ। ਟਰੰਪ ਨੇ ਕਿਹਾ ਕਿ ਸਾਡੇ ਮੈਕਸੀਕੋ ਨਾਲ ਸਬੰਧ ਬਹੁਤ ਵਧੀਆ ਹੋਣ ਜਾ ਰਹੇ ਹਨ, ਕੈਨੇਡਾ ਨਾਲ ਵੀ ਸਬੰਧ ਚੰਗੇ ਹਨ ਪਰ ਪਿਛਲੇ 50 ਸਾਲਾਂ ਤੋਂ ਔਟਵਾ ਨੇ ਸਾਡੇ ਨਾਲ ਵਿਤਕਰਾ ਕੀਤਾ ਹੈ।