ਕੈਨੇਡਾ ਨੇ ਅਕਤੂਬਰ ਵਿਚ ਸਾਲਾਨਾ ਮਹਿੰਗਾਈ ਦਰ ਵਿਚ ਕੀਤਾ ਵਾਧਾ ਦਰਜ

ਕੈਨੇਡਾ ਨੇ ਅਕਤੂਬਰ ਵਿਚ ਸਾਲਾਨਾ ਮਹਿੰਗਾਈ ਦਰ ਵਿਚ ਵਾਧਾ ਦਰਜ ਕੀਤਾ ਹੈ,ਜਿਸ ਨਾਲ ਵਿਆਜ ਦਰਾਂ ਵਿਚ ਇੱਕ ਹੋਰ ਵੱਡੀ ਕਟੌਤੀ ਦੀ ਸੰਭਾਵਨਾ ਘੱਟ ਹੋ ਗਈ ਹੈ। ਸਟੈਟਿਟਕਸ ਡਿਪਾਰਟਮੈਂਟ ਮੁਤਾਬਕ,ਪਿਛਲੇ ਮਹੀਨੇ ਕੈਨੇਡਾ ਦੀ ਮਹਿੰਗਾਈ ਦਰ ਵਾਪਸ ਛਲਾਂਗ ਲਗਾ ਕੇ ਦੋ ਫੀਸਦੀ 'ਤੇ ਪਹੁੰਚ ਗਈ,ਜਦੋਂ ਕਿ ਸਤੰਬਰ ਵਿਚ ਇਹ 1.6 ਫੀਸਦੀ 'ਤੇ ਗਈ ਸੀ। ਵਿੱਤੀ ਵਿਸ਼ਲੇਸ਼ਕ ਨੂੰ ਅਕਤੂਬਰ ਮਹੀਨੇ ਵਿਚ ਮਹਿੰਗਾਈ ਦਰ ਵਿਚ ਵਾਧੇ ਦੀ ਉਮੀਦ ਸੀ ਪਰ ਉਨ੍ਹਾਂ ਇਸ ਦੇ 1.9 ਫੀਸਦੀ 'ਤੇ ਆਉਣ ਦੀ ਸੰਭਾਵਨਾ ਜਤਾਈ ਸੀ।

ਬੈਂਕ ਆਫ਼ ਕੈਨੇਡਾ ਵਲੋਂ 11 ਦਸੰਬਰ ਨੂੰ ਵਿਆਜ ਦਰਾਂ ਦੇ ਅਗਲੇ ਐਲਾਨ ਤੋਂ ਪਹਿਲਾਂ ਜਾਰੀ ਕੀਤੀ ਗਈ ਇਹ ਅੰਤਿਮ ਮਹਿੰਗਾਈ ਰਿਪੋਰਟ ਹੈ। ਕੇਂਦਰੀ ਬੈਂਕ ਨੇ ਸਤੰਬਰ ਵਿਚ ਮਹਿੰਗਾਈ ਦਰ ਦੇ 1.6 ਫੀਸਦੀ ਤੱਕ ਡਿੱਗ ਜਾਣ ਦੇ ਜਵਾਬ ਵਿਚ ਪਿਛਲੇ ਮਹੀਨੇ ਵਿਆਜ ਦਰਾਂ ਵਿਚ ਅੱਧਾ ਫੀਸਦੀ ਦੀ ਕਟੌਤੀ ਕੀਤੀ ਸੀ।

ਹੁਣ ਕੁਝ ਮਾਹਰ 25 ਆਧਾਰ ਬਿੰਦੂ ਕਟੌਤੀ ਦੀ ਉਮੀਦ ਜਤਾ ਰਹੇ ਹਨ ਪਰ ਸੀ.ਆਈ.ਬੀ.ਸੀ. ਦੇ ਅਰਥਸ਼ਾਸਤਰੀ ਕੈਥਰੀਨ ਜੱਜ ਦਾ ਕਹਿਣਾ ਹੈ ਕਿ ਦਸੰਬਰ ਦੇ ਫੈਸਲੇ ਤੋਂ ਪਹਿਲਾਂ ਜੀ.ਡੀ.ਪੀ. ਅਤੇ ਰੁਜ਼ਗਾਰ ਦੇ ਅੰਕੜੇ ਆਉਣੇ ਬਾਕੀ ਹਨ, ਇਸ ਲਈ ਉਹ ਅਜੇ ਵੀ 50 ਬੇਸਿਸ ਪੁਆਇੰਟ ਕਟੌਤੀ ਦੀ ਸੰਭਾਵਨਾ ਦੇਖਦੇ ਹਨ।