18.91C Vancouver 18.91C VancouverDec 16, 2024 7:33 PM - Connect Newsroom
ਫਰਾਂਸ ਦੇ ਮੇਓਟ ਵਿਚ ਤੂਫਾਨ ਚਿਡੋ ਨੇ ਭਾਰੀ ਤਬਾਹੀ ਮਚਾਈ ਹੈ। ਰਿਪੋਰਟਸ ਮੁਤਾਬਕ, ਇਸ ਚੱਕਰਵਾਤ ਦੌਰਾਨ 225 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਨਾਲ ਹਵਾਵਾਂ ਚੱਲੀਆਂ, ਜਿਸ ਦੀ ਵਜ੍ਹਾ ਨਾਲ ਦਰਜਨਾਂ ਬਸਤੀਆਂ ਪੂਰੀ ਤਰ੍ਹਾਂ ਬਰਬਾਦ ਹੋ ਗਈਆਂ। ਇਸ ਨੂੰ ਮੇਓਟ ਵਿਚ ਪਿਛਲੇ 100 ਸਾਲਾਂ ਦਾ ਸਭ ਤੋਂ ਵੱਡਾ ਤੂਫਾਨ ਦੱਸਿਆ ਜਾ ਰਿਹਾ ਹੈ, ਅਜਿਹਾ ਖਦਸ਼ਾ ਹੈ ਕਿ ਘੱਟੋ-ਘੱਟ 1,000 ਲੋਕ ਮਾਰੇ ਗਏ ਹਨ। ਹਾਲਾਂਕਿ ਇਸ ਦੀ ਅਧਿਕਾਰਤ ਪੁਸ਼ਟੀ ਹੋਣੀ ਬਾਕੀ ਹੈ।
ਹਾਲਾਂਕਿ, ਇਸ ਤੂਫਾਨ ਨੇ ਇੰਨੀ ਤਬਾਹੀ ਮਚਾਈ ਹੈ ਕਿ ਲੋਕ ਇਸ ਦੀ ਤੁਲਨਾ ਪ੍ਰਮਾਣੂ ਬੰਬ ਨਾਲ ਕਰ ਰਹੇ ਹਨ।
ਰਿਪੋਰਟਸ ਮੁਤਾਬਕ, ਮੇਓਟ ਦੇ 48 ਤੋਂ 50 ਫੀਸਦੀ ਲੋਕ ਉੱਥੇ ਦੇ ਜਮਪਲ ਨਹੀਂ ਹਨ, ਇਨ੍ਹਾਂ ਵਿਚੋਂ ਜ਼ਿਆਦਾਤਰ ਲੋਕ ਕਿਸ਼ਤੂ ਜ਼ਰੀਏ ਇਸ ਆਈਲੈਡ ’ਤੇ ਆਏ ਸਨ। ਇਹ ਪੈਰਿਸ ਤੋਂ ਲਗਭਗ 5,000 ਮੀਲ ਦੀ ਦੂਰੀ ’ਤੇ ਹੈ ਅਤੇ ਯੂਰੋਪੀ ਸੰਘ ਦਾ ਸਭ ਤੋਂ ਗਰੀਬ ਇਲਾਕਾ ਹੈ ਜੋ ਬੇਰੁਜ਼ਗਾਰੀ, ਹਿੰਸਾ ਅਤੇ ਪ੍ਰਵਾਸ ਸੰਕਟ ਨਾਲ ਜੂਝ ਰਿਹਾ ਹੈ।
