11.39C Vancouver 11.39C VancouverNov 30, 2021 10:53 PM - The Canadian Press
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ ਮਾਈਕ ਫਾਰਨਵਰਥ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ ਦੇ ਕਈ ਇਲਾਕਿਆਂ 'ਚ ਅਗਲੇ 48 ਘੰਟੇ ਤਕ ਭਾਰੀ ਬਾਰਿਸ਼ ਹੋਣ ਜਾ ਰਹੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਇਸ ਦੇ ਪ੍ਰਭਾਵ ਨਵੰਬਰ ਦੇ ਮੱਧ 'ਚ ਹੋਏ ਨੁਕਸਾਨ ਤੋਂ ਘੱਟ ਰਹਿਣ ਦੀ ਆਸ ਹੈ ਪਰ ਇਸ ਦੇ ਇਕਯੂਮਲੇਟਿਵ ਪ੍ਰਭਾਵ ਭਿਆਨਕ ਹੋ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਬੇਹੱਦ ਜਰੂਰੀ ਹੈ ਕਿ ਇਸ ਮੌਸਮ 'ਚ ਯਾਤਰਾ ਤੋਂ ਬਚਾਅ ਕੀਤਾ ਜਾਵੇ।
ਫਾਰਨਵਰਥ ਨੇ ਕਿਹਾ ਕਿ ਸਰਕਾਰ ਹਰ ਮੁਮਕਿਨ ਕਦਮ ਚੁੱਕ ਰਹੀ ਹੈ ਤਾਂ ਜੋ ਸ਼ੈਲਟਰ, ਖਾਣਪੀਣ ਅਤੇ ਮੈਡੀਕੇਸ਼ਨ ਜਿਹੀ ਜਰੂਰੀ ਵਿਵਸਥਾ ਕੀਤੀ ਜਾ ਸਕੇ।
ਉਨ੍ਹਾਂ ਦੱਸਿਆ ਕਿ ਡਾਈਕਸ ਅਤੇ ਬੰਨਾ 'ਤੇ ਲਗਾਤਾਰ ਕੰਮ ਜਾਰੀ ਹੈ।
ਕਰਿਊਸ ਵੱਲੋਂ ਟਾਈਗਰ ਡੈਮ ਸਥਾਪਿਤ ਕੀਤੇ ਜਾ ਰਹੇ ਹਨ ਅਤੇ ਸੈਂਡ ਬੈਗ ਲਗਾਏ ਜਾ ਰਹੇ ਹਨ।
ਰੌਬ ਫਲੈਮਿੰਗ ਨੇ ਰਸਤਿਆਂ 'ਤੇ ਪੈਂਦੇ ਅੜਿੱਕੇ ਸੰਬੰਧੀ ਦਿੱਤੀ ਜਾਣਕਾਰੀ
ਬੀ.ਸੀ. ਦੇ ਟਰਾਂਸਪੋਰਟੇਸ਼ਨ ਅਤੇ ਇਨਫਰਾਸਟਰਕਚਰ ਮੰਤਰੀ ਰੌਬ ਫਲੈਮਿੰਗ ਨੇ ਜਾਣਕਾਰੀ ਦਿੱਤੀ ਹੈ ਕਿ ਪੈਂਬਰਟਨ ਅਤੇ ਅਤੇ ਲੀਲੋਏਟ ਵਿਚਾਲੇ ਅੱਜ ਸ਼ਾਮ 4 ਵਜੇ ਤੋਂ ਹਾਈਵੇਅ 99 'ਤੇ ਆਵਾਜਾਈ ਬੰਦ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਜਿਹੜੇ ਰਸਤੇ ਖੁੱਲ੍ਹੇ ਹਨ ਉਸ 'ਤੇ ਵੀ ਆਵਾਜਾਈ 'ਚ ਅੜਿੱਕੇ ਪੇਸ਼ ਆ ਸਕਦੇ ਹਨ।
ਉਨ੍ਹਾਂ ਦੱਸਿਆ ਕਿ ਇਸ ਵਿਗੜਦੇ ਮੌਸਮ 'ਚ ਬੈਲਾਕੂਲਾ ਦੀ ਯਾਤਰਾ ਜੋਖਿਮ ਭਰੀ ਸਾਬਿਤ ਹੋ ਸਕਦੀ ਹੈ ਅਤੇ ਜੇਕਰ ਬੇਹੱਦ ਜਰੂਰੀ ਨਾ ਹੋਵੇ ਤਾਂ ਇਸ ਇਲਾਕੇ ਦੀ ਯਾਤਰਾ ਤੋਂ ਬਚਾਅ ਕੀਤਾ ਜਾਵੇ।
ਉਨ੍ਹਾਂ ਦੱਸਿਆ ਕਿ ਕੱਲ ਹਾਈਵੇਅ 3 ਅਤੇ 99 ਨੂੰ ਖੋਲ੍ਹਿਆ ਗਿਆ ਸੀ ਪਰ ਅੱਜ ਫਿਰ ਤੋਂ ਇਨ੍ਹਾਂ ਰਸਤਿਆਂ 'ਤੇ ਅੜਿੱਕੇ ਪੇਸ਼ ਆ ਰਹੇ ਹਨ।
ਇਨ੍ਹਾਂ ਦੋਵਾਂ ਰਸਤਿਆਂ 'ਤੇ ਸਿਰਫ ਜਰੂਰੀ ਯਾਤਰਾ ਦੀ ਇਜਾਜਤ ਹੈ।
ਹਾਈਵੇਅ 1 ਨੂੰ ਚਿਲਿਵੈਕ ਅਤੇ ਐਬਟਸਫੋਰਡ ਵਿਚਾਲੇ ਅਤੇ ਪੌਪਕਮ ਤੇ ਹੋਪ ਵਿਚਾਲੇ ਬੰਦ ਕੀਤਾ ਗਿਆ ਹੈ।
