May 31, 2022 5:03 PM - THE CANADIAN PRESS

ਸਸਕੈਚਵਨ ਤੇ ਐਲਬਰਟਾ ਵਿਚ ਓਰਗੇਨਿਕ ਸਟ੍ਰਾਬੇਰੀਜ਼ ਨਾਲ ਹੈਪੇਟਾਈਟਸ ਏ ਫੈਲਣ ਦੀ ਗੱਲ ਸਾਹਮਣੇ ਆਈ ਹੈ।
ਕੈਨੇਡਾ ਦੀ ਪਬਲਿਕ ਹੈਲਥ ਏਜੰਸੀ ਦਾ ਕਹਿਣਾ ਹੈ ਕਿ 5 ਮਾਰਚ ਤੋਂ 9 ਮਾਰਚ ਵਿਚਕਾਰ ਦੋਵੇਂ ਸੂਬਿਆਂ ਦੇ ਕੋ-ਓਪ ਸਟੋਰਾਂ 'ਤੇ ਸਟ੍ਰਾਬੇਰੀਜ਼ ਦੀ ਵਿਕਰੀ ਹੋਈ ਸੀ।
ਸਟ੍ਰਾਬੇਰੀਜ਼ ਦੀ ਸ਼ੈਲਫ ਲਾਈਫ ਸਮਾਪਤ ਹੋਣ ਦੇ ਮੱਦੇਨਜ਼ਰ ਲੋਕਾਂ ਨੂੰ ਇਨ੍ਹਾਂ ਨੂੰ ਸੁੱਟਣ ਦੀ ਅਪੀਲ ਕੀਤੀ ਗਈ ਹੈ। ਪਬਲਿਕ ਹੈਲਥ ਏਜੰਸੀ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਸਸਕੈਚਵਨ ਵਿਚ 6 ਅਤੇ ਐਲਬਰਟਾ ਵਿਚ 4 ਲੋਕ ਹੈਪੇਟਾਈਟਸ ਏ ਨਾਲ ਬਿਮਾਰ ਪਾਏ ਗਏ, ਇਨ੍ਹਾਂ ਵਿਚੋਂ 4 ਹਸਪਤਾਲ ਵਿਚ ਦਾਖਲ ਕੀਤੇ ਗਏ ਸਨ। ਹੈਪੇਟਾਈਟਸ ਏ ਇਕ ਵਾਇਰਸ ਹੈ, ਜਿਸ ਨਾਲ ਲੀਵਰ ਦੀ ਬਿਮਾਰੀ ਹੋ ਸਕਦੀ ਹੈ ਅਤੇ ਕੁਝ ਮਾਮਲਿਆਂ ਵਿਚ ਲੀਵਰ ਫੇਲ੍ਹ ਤੇ ਮੌਤ ਤੱਕ ਹੋ ਸਕਦੀ ਹੈ।




