17.29C Vancouver 17.29C VancouverDec 1, 2021 5:29 PM - The Associated Press
ਅਮਰੀਕਾ ਵਿਚ ਮਿਸ਼ੀਗਨ ਹਾਈ ਸਕੂਲ ਦੇ ਇੱਕ ਪੰਦਰਾਂ ਸਾਲਾ ਵਿਦਿਆਰਥੀ ਨੇ ਫਾਇਰਿੰਗ ਕਰ ਕੇ ਤਿੰਨ ਵਿਦਿਆਰਥੀਆਂ ਨੂੰ ਮਾਰ ਦਿੱਤਾ।
ਮਰਨ ਵਾਲਿਆਂ ਵਿਚ ਇਕ ਸੋਲ਼ਾਂ ਸਾਲਾ ਵਿਦਿਆਰਥੀ ਵੀ ਹੈ ਜੋ ਹਸਪਤਾਲ ਲੈ ਜਾਣ ਸਮੇਂ ਇਕ ਡਿਪਟੀ ਦੀ ਪੈਟਰੋਲ ਕਾਰ ਵਿੱਚ ਦਮ ਤੋੜ ਗਿਆ।
ਅੱਠ ਜਣੇ ਹੋਰ ਜ਼ਖ਼ਮੀ ਹੋਏ ਹਨ ਜਿਨ੍ਹਾਂ ਵਿਚੋਂ ਕੁਝ ਦੀ ਹਾਲਤ ਗੰਭੀਰ ਹੈ।
ਓਕਲੈਂਡ ਕਾਊਂਟੀ ਦੇ ਸ਼ੈਰਿਫ ਮਾਈਕਲ ਬੋਚਾਰਡ ਦਾ ਕਹਿਣਾ ਹੈ ਕਿ ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਆਕਸਫੋਰਡ ਹਾਈ ਸਕੂਲ ਵਿਚ ਮੰਗਲਵਾਰ ਨੂੰ ਵਾਪਰੀ ਇਸ ਘਟਨਾ ਪਿੱਛੇ ਮੰਤਵ ਕੀ ਸੀ। ਸ਼ੂਟਰ ਅਜੇ ਗੱਲ ਨਹੀਂ ਕਰ ਰਿਹਾ।
ਸ਼ੂਟਿੰਗ ਲਈ ਵਰਤੀ ਗਈ ਗੰਨ ਲੜਕੇ ਦੇ ਪਿਤਾ ਨੇ ਸ਼ੁੱਕਰਵਾਰ ਨੂੰ ਹੀ ਖ਼ਰੀਦੀ ਸੀ ਪਰ ਇਸ ਨੂੰ ਖ਼ਰੀਦਣ ਦੇ ਕਾਰਨਾਂ ਦਾ ਨਹੀਂ ਪਤਾ।
ਮਰਨ ਵਾਲੇ ਤਿੰਨ ਵਿਦਿਆਰਥੀਆਂ ਦੀ ਉਮਰ 16, 14 ਤੇ 17 ਸਾਲ ਹੈ।
