10.94C Vancouver 10.94C VancouverMay 13, 2020 5:30 PM -
ਵਿਦਿਆਰਥੀ ਅਤੇ ਹਾਲ ਹੀ ਵਿੱਚ ਗਰੈਜੂਏਟ ਹੋਏ ਨੌਜਵਾਨ ਫੈਡਰਲ ਸਰਕਾਰ ਵੱਲੋਂ ਉਪਲੱਬਧ ਕਰਵਾਈ ਜਾ ਰਹੀ ਵਿੱਤੀ ਰਾਹਤ ਲਈ ਸ਼ੁੱਕਰਵਾਰ ਤੋਂ ਅਰਜ਼ੀਆਂ ਭੇਜ ਸਕਣਗੇ।
ਕੈਨੇਡਾ ਐਮਰਜੈਂਸੀ ਸਟੂਡੈਂਟਸ ਬੈਨੀਫਿਟ ਰਾਹੀਂ ਵਿਦਿਆਰਥੀਆਂ ਨੂੰ ਚਾਰ ਮਹੀਨੇ ਤੱਕ $1,250 ਪ੍ਰਤੀ ਮਹੀਨਾ ਮੁਹੱਈਆ ਕਰਵਾਇਆ ਜਾਵੇਗਾ ਅਤੇ ਜਿਹੜੇ ਵਿਦਿਆਰਥੀ ਅਪਾਹਜ ਹਨ ਅਤੇ ਜਿਨ੍ਹਾਂ ਉੱਤੇ ਹੋਰ ਪਰਿਵਾਰਕ ਮੈਂਬਰ ਨਿਰਭਰ ਕਰਦੇ ਹਨ ਨੂੰ $750 ਵੱਧ ਉਪਲੱਬਧ ਹੋਵੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਵਿਦਿਆਰਥੀਆਂ ਨੂੰ ਕੈਨੇਡਾ ਰੈਵੇਨਿਊ ਏਜੰਸੀ ਦੇ ਨਾਲ ਅਕਾਊਂਟ ਖੋਲ ਲੈਣਾ ਚਾਹੀਦਾ ਹੈ।
ਇਸ ਤੋਂ ਇਲਾਵਾ ਫੈਡਰਲ ਸਰਕਾਰ ਇੱਕ ਨਵਾਂ ਰੀਜਨਲ ਰਿਲੀਫ ਰਿਕਵਰੀ ਫੰਡ ਸ਼ੁਰੂ ਕਰਣ ਜਾ ਰਹੀ ਹੈ ਜਿਸ ਰਾਹੀਂ ਉਨ੍ਹਾਂ ਵਪਾਰਾਂ ਨੂੰ ਸਹਿਯੋਗ ਦਿੱਤਾ ਜਾਵੇਗਾ ਜੋ ਕੋਵਿਡ-19 ਮਹਾਂਮਾਰੀ ਦੇ ਚੱਲਦਿਆਂ ਹੋਰ ਫੈਡਰਲ ਰਾਹਤ ਪ੍ਰੋਗਰਾਮਾਂ ਦੇ ਯੋਗ ਨਹੀਂ ਹਨ।
ਕਈ ਹਫਤੇ ਪਹਿਲਾਂ ਸਰਕਾਰ ਵੱਲੋਂ ਐਲਾਨ ਕੀਤਾ ਗਿਆ ਸੀ ਕਿ ਤਕਰੀਬਨ $1 ਬਿਲੀਅਨ ਰੀਜਨਲ ਡਿਵੈਲਪਮੈਂਟ ਏਜੰਸੀਆਂ ਨੂੰ ਪਹੁੰਚਾਏ ਜਾ ਰਹੇ ਹਨ।
ਸਰਕਾਰ ਵੱਲੋਂ ਇਹ ਜ਼ਿੰਮੇਦਾਰੀ ਦੇਸ਼ ਭਰ ਦੀਆਂ 6 ਰੀਜਨਲ ਡਿਵੈਲਪਮੈਂਟ ਏਜੰਸੀਆਂ ਨੂੰ ਦਿੱਤੀ ਗਈ ਹੈ।
