26.41C Vancouver 26.41C VancouverJun 29, 2021 10:07 PM -
ਕੈਨੇਡਾ 'ਚ ਇੱਕ ਸਟਡੀ 'ਚ ਖੁਲਾਸਾ ਹੋਇਆ ਹੈ ਕਿ ਦੇਸ਼ 'ਚ ਕੋਵਿਡ-19 ਕਾਰਨ ਰਿਪੋਰਟ ਹੋਈਆਂ ਮੌਤਾਂ ਤੋਂ ਵਧੇਰੇ ਮੌਤਾਂ ਇਸ ਪੈਂਡੈਮਿਕ ਕਾਰਨ ਹੋਈਆਂ ਹੋ ਸਕਦੀਆਂ ਹਨ।
ਸਟਡੀ 'ਚ ਦੱਸਿਆ ਗਿਆ ਹੈ ਕਿ ਬਹੁਤ ਸਾਰੀਆਂ ਮੌਤਾਂ ਅਜਿਹੀਆਂ ਸਨ ਜੋ ਕਿ ਕੋਵਿਡ-19 ਸੰਬੰਧੀ ਮੌਤਾਂ 'ਚ ਰਿਪੋਰਟ ਨਹੀਂ ਹੋਈਆਂ।
ਰਾਇਲ ਸੋਸਾਈਟੀ ਆਫ ਕੈਨੇਡਾ ਦੀ ਕਮਿਸ਼ਨ ਕੀਤੀ ਇੱਕ ਸਟਡੀ 'ਚ ਸਾਹਮਣੇ ਆਇਆ ਹੈ ਕਿ ਬੀਤੇ ਸਾਲ ਫਰਵਰੀ ਅਤੇ ਨਵੰਬਰ ਵਿਚਾਲੇ 6,000 ਮੌਤਾਂ ਅਜਿਹੀਆਂ ਸਨ ਜੋ ਕਿ ਪੈਂਡੈਮਿਕ ਨਾਲ ਸੰਬੰਧਤ ਸਨ ਪਰ ਇਹਨਾਂ ਨੂੰ ਜਾਂ ਤਾਂ ਰਿਪੋਰਟ ਨਹੀਂ ਕੀਤਾ ਗਿਆ ਜਾਂ ਇਹਨਾਂ ਨੂੰ ਵਾਇਰਸ ਸੰਬੰਧੀ ਨਹੀਂ ਦੱਸਿਆ ਗਿਆ ਅਤੇ ਜਾਂ ਫਿਰ ਇਹਨਾਂ ਦੀ ਖੋਜ ਨਹੀਂ ਹੋਈ।
ਡਾ. ਤਾਰਾ ਮੋਰੀਆਰਟੀ (Dr. Tara Moriarty) ਨੇ ਇਸ ਸਟਡੀ ਨੂੰ ਲੀਡ ਕੀਤਾ ਸੀ ਅਤੇ ਉਨ੍ਹਾਂ ਕਿਹਾ ਕਿ ਮੌਤਾਂ ਦਾ ਅਸਲ ਅੰਕੜਾ ਰਿਪੋਰਟ ਹੋਈਆਂ ਮੌਤਾਂ ਤੋਂ ਦੁੱਗਣਾ ਵੀ ਰਿਹਾ ਹੋ ਸਕਦਾ ਹੈ।
ਇਸ ਸਟਡੀ 'ਚ ਦੱਸਿਆ ਗਿਆ ਹੈ ਕਿ ਕੋਵਿਡ-19 ਸੰਬੰਧੀ ਮੌਤਾਂ ਦੇ ਅੰਕੜੇ ਮੁੱਖ ਤੌਰ 'ਤੇ ਘੱਟ ਇੰਕਮ ਵਾਲੇ ਵਰਗ, ਵਧੇਰੀ ਆਬਾਦੀ ਵਾਲੇ ਇਲਾਕੇ, ਰੇਸ਼ੀਅਲਾਈਜ਼ਡ ਕਮਿਊਨਿਟੀਸ ਜਾਂ ਹਾਲ ਦੇ ਇਮੀਗ੍ਰੈਂਟਸ ਜਿਹੇ ਫੈਕਟਰਸ ਕਾਰਨ ਵਧੇਰੇ ਪ੍ਰਭਾਵਿਤ ਹੋਏ ਹੋ ਸਕਦੇ ਹਨ।
