ਸੁਖਪਾਲ ਸਿੰਘ ਖਹਿਰਾ ਨੇ ਟਵੀਟ ਕਰਕੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਆਖੀ ਇਹ ਗੱਲ

ਪੰਜਾਬ ਕਾਂਗਰਸ ਦੇ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਵਲੋਂ ਟਵੀਟ ਕਰਕੇ ਮੁੱਖ ਮੰਤਰੀ ਭਗਵੰਤ ਮਾਨ ’ਤੇ ਵੱਡਾ ਹਮਲਾ ਬੋਲਿਆ ਹੈ।

ਉਨ੍ਹਾਂ ਇਲਜ਼ਾਮ ਲਗਾਇਆ ਕਿ ਸਰਕਾਰ ਕੋਲ 200 ਤੋਂ ਵੱਧ ਵਕੀਲਾਂ ਦੀ ਫੌਜ ਹੋਣ ਦੇ ਬਾਵਜੂਦ ਉਨ੍ਹਾਂ ਵਰਗੇ ਇੱਕ ਛੋਟੇ ਵਿਅਕਤੀ ਖਿਲਾਫ਼ ਪ੍ਰਾਈਵੇਟ ਮਹਿੰਗੇ ਵਕੀਲਾਂ ਨੂੰ ਲਗਾਇਆ ਗਿਆ, ਜਿਨ੍ਹਾਂ ’ਤੇ 5 ਕਰੋੜ ਰੁਪਏ ਤੋਂ ਵੱਧ ਖ਼ਰਚ ਕੀਤੇ ਗਏ।

ਖਹਿਰਾ ਨੇ ਕਿਹਾ ਕਿ ਭਗਵੰਤ ਮਾਨ ਇਹ ਦੱਸਣ ਕਿ ਕੀ ਉਹ ਪ੍ਰਾਈਵੇਟ ਵਕੀਲਾਂ ਨੂੰ ਦਿੱਤੀ ਗਈ ਇਹ ਫੀਸ ਉਹ ਆਪਣੇ ਪੱਲਿਓਂ ਸੂਬੇ ਦੇ ਖਜ਼ਾਨੇ ਵਿਚ ਜਮ੍ਹਾ ਕਰਨਗੇ, ਕੀ ਹੁਣ ਵੀ ਉਨ੍ਹਾਂ ਦਾ ਓਹੀ ਸਟੈਂਡ ਹੈ ਜਿਸ ਤਰ੍ਹਾਂ ਉਹ ਮੁਖਤਿਆਰ ਅੰਸਾਰੀ ਕੇਸ ਵਿਚ ਕਹਿੰਦੇ ਸੀ ਕਿ ਗੈਂਗਸਟਰ ’ਤੇ 55 ਲੱਖ ਰੁਪਏ ਦਾ ਖ਼ਰਚਾ ਕੈਪਟਨ ਵੇਲੇ ਦੀ ਸਰਕਾਰ ਕੋਲੋਂ ਰਿਕਵਰ ਕੀਤਾ ਜਾਵੇਗਾ।