8.78C Vancouver 8.78C VancouverJun 12, 2025 11:22 PM -
ਕੈਨੇਡਾ ਦੀ ਸਮਰ ਮੈਕਿਨਤੋਸ਼ ਨੇ ਵਿਕਟੋਰੀਆ 'ਚ ਜਾਰੀ ਕਨੇਡੀਅਨ ਸਵਿਮਿੰਗ ਟ੍ਰਾਇਲਸ 'ਚ ਆਪਣਾ ਜਲਵਾ ਬਰਕਰਾਰ ਰੱਖਦਿਆਂ ਇੱਕ ਹੋਰ ਰਿਕਾਰਡ ਤੋੜ ਦਿੱਤਾ ਹੈ।
ਟੋਰੌਂਟੋ ਤੋਂ ਵਾਸਤਾ ਰੱਖਣ ਵਾਲੀ 18 ਸਾਲਾ ਤੈਰਾਕ ਨੇ 400 ਮੀਟਰ ਇੰਡਿਵਿਜੁਅਲ ਮੈਡਲੇ ਵਿੱਚ ਆਪਣਾ ਹੀ ਸਥਾਪਿਤ ਕੀਤਾ ਵਿਸ਼ਵ ਰਿਕਾਰਡ ਤੋੜ ਦਿੱਤਾ।
ਉਨ੍ਹਾਂ ਇਹ ਈਵੈਂਟ ਚਾਰ ਮਿੰਟ 23 ਪਾਇੰਟ ਛੇ ਪੰਜ ਸੈਕਿੰਡਸ ਵਿੱਚ ਪੂਰਾ ਕੀਤਾ।
ਇਸ ਈਵੈਂਟ ਦਾ ਇਸ ਤੋਂ ਪਹਿਲਾਂ ਦਾ ਵਿਸ਼ਵ ਰਿਕਾਰਡ ਸਮਰ ਮੈਕਿਨਤੋਸ਼ ਨੇ ਬੀਤੇ ਸਾਲ ਮਈ 'ਚ ਓਲੰਪਿਕ ਟ੍ਰਾਇਲਸ ਦੌਰਾਨ ਤੋੜਿਆ ਸੀ।
ਇਹ ਇਸ ਸਾਲ ਦੇ ਕਨੇਡੀਅਨ ਟ੍ਰਾਇਲਸ ਦੌਰਾਨ ਮੈਕਿਨਤੋਸ਼ ਦਾ ਤੀਜਾ ਵਿਸ਼ਵ ਰਿਕਾਰਡ ਹੈ।
ਉਨ੍ਹਾਂ ਇਸ ਤੋਂ ਪਹਿਲਾਂ ਇਨ੍ਹਾਂ ਹੀ ਟ੍ਰਾਇਲਸ ਦੌਰਾਨ 200 ਮੀਟਰ ਇੰਡਿਵਿਜੁਅਲ ਮੈਡਲੇ ਅਤੇ 400 ਮੀਟਰ ਫ੍ਰੀਸਟਾਈਲ ਈਵੈਂਟ 'ਚ ਵਿਸ਼ਵ ਰਿਕਾਰਡ ਸਥਾਪਿਤ ਕੀਤੇ ਹਨ।
