17.19C Vancouver 17.19C VancouverJun 24, 2022 5:42 PM - The Canadian Press
ਯੂ.ਐਸ. ਸੁਪ੍ਰੀਮ ਕੋਰਟ ਨੇ ਅਮਰੀਕਾ 'ਚ ਅਬੌਰਸ਼ਨ ਸੰਬੰਧੀ ਸੁਰੱਖਿਆ ਪ੍ਰਦਾਨ ਕਰਨ ਵਾਲੇ ਰੋ ਵੀ. ਵੇਡ ਨੂੰ ਰੱਦ ਕਰ ਦਿੱਤਾ ਹੈ।
ਸ਼ੁੱਕਰਵਾਰ ਦੇ ਫੈਸਲੇ ਕਾਰਨ ਅਮਰੀਕਾ ਦੇ ਕਈ ਸੂਬਿਆਂ 'ਚ ਅਬੌਰਸ਼ਨ 'ਤੇ ਪਬੰਦੀ ਲੱਗਣ ਦੇ ਕਿਆਸ ਲਗਾਏ ਜਾਣ ਲੱਗੇ ਹਨ।
ਯੂ.ਐਸ. ਸੁਪ੍ਰੀਮ ਕੋਰਟ ਨੇ ਰੋ ਵੀ. ਵੇਡ ਨੂੰ ਹਟਾਉਣ ਦੇ ਪੱਖ 'ਚ 6-3 ਦੇ ਫਰਕ ਨਾਲ ਵੋਟ ਕੀਤਾ।
ਅਮਰੀਕੀ ਰਾਸ਼ਟਰਪਤੀ ਜੋ ਬਾਈਡਨ ਨੇ ਸੁਪ੍ਰੀਮ ਕੋਰਟ ਦੇ ਇਸ ਫੈਸਲੇ 'ਤੇ ਨਿਰਾਸ਼ਾ ਜਾਹਿਰ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਗਲਤ ਹੈ। ਬਾਈਡਨ ਨੇ ਵਾਈਟ ਹਾਊਸ ਤੋਂ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਕੋਰਟ ਨੇ ਅਜਿਹਾ ਕੰਮ ਕੀਤਾ ਹੈ ਜੋ ਕੋਰਟ ਨੇ ਪਹਿਲਾਂ ਕਦੀ ਨਹੀਂ ਕੀਤਾ।
ਉਨ੍ਹਾਂ ਕਿਹਾ ਕਿ ਕੋਰਟ ਦੇ ਇਸ ਫੈਸਲੇ ਨੇ ਲੋਕਾਂ ਦਾ ਇੱਕ ਅਜਿਹਾ ਸੰਵਿਧਾਨਿਕ ਹੱਕ ਖੋਹ ਲਿਆ ਹੈ ਜੋ ਕਿ ਬਹੁਤ ਸਾਰੇ ਅਮਰੀਕੀ ਲੋਕਾਂ ਲਈ ਉਨ੍ਹਾਂ ਦੇ ਬੁਨਿਆਦੀ ਹੱਕਾਂ ਜਿਹਾ ਸੀ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਔਰਤਾਂ ਦੇ ਜੀਵਨ ਅਤੇ ਸਿਹਤ ਲਈ ਖਤਰਾ ਖੜਾ ਕਰਨ ਵਾਲਾ ਹੈ।
ਬਾਈਡਨ ਨੇ ਕਿਹਾ ਕਿ ਇਸ ਫੈਸਲੇ ਤੋਂ ਬਾਅਦ ਕੌਂਟਰਾਸੈਪਸ਼ਨ ਅਤੇ ਗੇਅ ਵਿਆਹ ਅਧਿਕਾਰਾਂ 'ਤੇ ਵੀ ਮੁਸ਼ਕਿਲ ਆ ਸਕਦੀ ਹੈ।
ਫੈਸਲੇ ਤੋਂ ਬਾਅਦ ਦੇਸ਼ ਦੇ ਕਈ ਹਿੱਸਿਆਂ 'ਚ ਲੋਕਾਂ ਦੇ ਇਕੱਠ ਵੀ ਵੇਖਣ ਨੂੰ ਮਿਲ ਰਹੇ ਹਨ ਜੋ ਇਸ ਫੈਸਲੇ 'ਤੇ ਸਵਾਲ ਚੁੱਕ ਰਹੇ ਹਨ।
ਅਮਰੀਕਾ 'ਚ ਅਧਿਕਾਰੀਆਂ ਵੱਲੋਂ ਲੀਡਰਾਂ, ਐਡਵੋਕੇਟਸ ਅਤੇ ਹੈਲਥ ਕੇਅਰ ਪ੍ਰੋਫੈਸ਼ਨਲਸ ਨਾਲ ਮਿਲ ਕੇ ਰੋ ਵੀ. ਵੇਡ ਦੀ ਗੈਰ-ਮੌਜੂਦਗੀ ਵਾਲੇ ਭਵਿੱਖ ਲਈ ਤਿਆਰੀ ਕੀਤੀ ਜਾ ਰਹੀ ਹੈ।
