14.37C Vancouver 14.37C VancouverMar 9, 2022 9:40 PM - The Canadian Press
ਸਰੀ ਬੋਰਡ ਆਫ ਟਰੇਡ ਵੱਲੋਂ ਪ੍ਰੋਵਿੰਸ਼ੀਅਲ ਫਿਊਲ ਟੈਕਸਿਸ 'ਚ ਤੁਰੰਤ ਪ੍ਰਭਾਵ ਨਾਲ ਰੋਕ ਦੀ ਮੰਗ ਕੀਤੀ ਗਈ ਹੈ।
ਸੂਬੇ 'ਚ ਗੈਸ ਦੀਆਂ ਕੀਮਤਾਂ 'ਚ ਲਗਾਤਾਰ ਹੋ ਰਹੇ ਵਾਧੇ ਵਿਚਾਲੇ ਇਹ ਮੰਗ ਕੀਤੀ ਗਈ ਹੈ।
ਮੈਟਰੋ ਵੈਨਕੂਵਰ 'ਚ ਕੁਝ ਥਾਵਾਂ 'ਤੇ ਗੈਸ ਕੀਮਤਾਂ 217 ਸੈਂਟ ਪ੍ਰਤੀ ਲੀਟਰ ਤਕ ਵੀ ਦਰਜ ਹੋ ਚੁੱਕੀਆਂ ਹਨ।
ਬੋਰਡ ਵੱਲੋਂ ਜਾਰੀ ਇੱਕ ਬਿਆਨ 'ਚ ਹੌਰਗਨ ਸਰਕਾਰ ਨੂੰ ਐਲਬਰਟਾ ਦੀ ਪਹਿਲਕਦਮੀ ਜਿਹਾ ਫੈਸਲਾ ਲੈਣ ਦੀ ਮੰਗ ਕੀਤੀ ਗਈ ਹੈ।
ਐਲਬਰਟਾ 'ਚ 1 ਅਪ੍ਰੈਲ ਤੋਂ ਗੈਸ ਕੀਮਤਾਂ 'ਚ ਟੈਕਸ ਨੂੰ ਘਟਾਉਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਮੈਟਰੋ ਵੈਨਕੂਵਰ 'ਚ ਵੱਖੋ-ਵੱਖਰੇ ਟੈਕਸਾਂ ਤਹਿਤ ਪ੍ਰਤੀ ਲੀਟਰ ਗੈਸ 'ਚ 73 ਸੈਂਟ ਤਕ ਦੇ ਟੈਕਸ ਸ਼ਾਮਿਲ ਦੱਸੇ ਗਏ ਹਨ।
ਬੋਰਡ ਪ੍ਰਧਾਨ ਅਨੀਤਾ ਹੁਬਰਮੈਨ ਦਾ ਕਹਿਣਾ ਹੈ ਕਿ ਪੈਂਡੈਮਿਕ ਅਤੇ ਕੌਸਟ ਆਫ ਲਿਵਿੰਗ 'ਚ ਵਾਧੇ ਵਿਚਾਲੇ ਇਨ੍ਹਾਂ ਟੈਕਸਿਸ ਨਾਲ ਵਪਾਰਿਕ ਕਮਿਊਨਿਟੀ 'ਤੇ ਵਧੇਰੇ ਦਬਾਅ ਪੈ ਰਿਹਾ ਹੈ।
ਯਾਦ ਰਹੇ ਇਸੇ ਹਫ਼ਤੇ ਪਬਲਿਕ ਸੇਫਟੀ ਮੰਤਰੀ, ਮਾਰਕ ਫਾਰਨਵਰਥ ਕਹਿ ਚੁੱਕੇ ਹਨ ਕਿ ਫਿਲਹਾਲ ਬੀ.ਸੀ. ਦਾ ਕੋਈ ਟੈਕਸ ਘਟਾਉਣ ਦਾ ਇਰਾਦਾ ਨਹੀਂ ਹੈ।
