15.92C Vancouver 15.92C VancouverAug 11, 2025 5:57 PM - Connect Newsroom
ਸਰੀ ਵਿਚ ਕੈਪਸ ਕੈਫੇ 'ਤੇ ਗੋਲੀਬਾਰੀ ਮਗਰੋਂ ਸ਼ਹਿਰ ਭਰ ਦੇ 600 ਤੋਂ ਵੱਧ ਇੰਟਰਸੈਕਸ਼ਨ 'ਤੇ ਕੈਮਰਿਆਂ ਨੂੰ ਉੱਚ-ਰੈਜ਼ੋਲਿਊਸ਼ਨ ਤਸਵੀਰਾਂ ਲਈ ਅਪਗ੍ਰੇਡ ਕੀਤਾ ਜਾ ਰਿਹਾ ਹੈ। ਮੇਅਰ ਬ੍ਰੈਂਡਾ ਲੌਕ ਨੇ ਹਾਲ ਹੀ ਵਿਚ ਕਿਹਾ ਕਿ ਪੁਲਿਸ ਜਾਂਚ ਵਿਚ ਮਦਦ ਲਈ ਹੁਣ ਸਾਰੇ ਫੁਟੇਜ - ਉੱਚ ਰੈਜ਼ੋਲਿਊਸ਼ਨ ਵਿਚ ਰਿਕਾਰਡ ਕੀਤੇ ਜਾ ਰਹੇ ਹਨ ਅਤੇ ਪ੍ਰਮੁੱਖ ਥਾਵਾਂ 'ਤੇ ਵਾਧੂ ਕੈਮਰੇ ਲਗਾਏ ਜਾਣ ਦੀ ਯੋਜਨਾ ਹੈ।
ਮੇਅਰ ਦਾ ਕਹਿਣਾ ਸੀ ਕਿ ਕੈਪਸ ਕੈਫੇ 'ਤੇ ਦੋ ਵਾਰ ਗੋਲੀਬਾਰੀ ਇੱਕ ਅਪਰਾਧ ਤੋਂ ਕਿਤੇ ਜ਼ਿਆਦਾ ਹੈ। ਉਨ੍ਹਾਂ ਕਿਹਾ ਕਿ ਸਰੀ ਪੁਲਿਸ ਸਰਵਿਸ ਸ਼ਹਿਰ ਵਿਚ ਘਟਨਾਵਾਂ ਨਾਲ ਨਜਿੱਠਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ ਪਰ ਲੋਕਾਂ ਦੀ ਵਧੇਰੇ ਸੁਰੱਖਿਆ ਲਈ ਉਨ੍ਹਾਂ ਸੂਬੇ ਦੇ ਕਮਿਊਨਿਟੀ ਸੇਫਟੀ ਮੰਤਰੀ ਟੈਰੀ ਯੁੰਗ, ਪਬਲਿਕ ਸੇਫਟੀ ਮੰਤਰੀ ਨੀਨਾ ਕਰੀਗਰ ਅਤੇ ਪ੍ਰੀਮੀਅਰ ਡੇਵਿਡ ਈਬੀ ਨਾਲ ਸੰਪਰਕ ਕਰਕੇ ਹੋਰ ਸਰੋਤਾਂ ਦੀ ਮੰਗ ਕੀਤੀ ਹੈ।
ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਜੂਨ ਵਿਚ ਮੇਅਰ ਲੌਕ ਨੇ ਫੈਡਰਲ ਸਰਕਾਰ ਨੂੰ ਲਾਰੈਂਸ ਬਿਸ਼ਨੋਈ ਗੈਂਗ ਨੂੰ ਅੱਤਵਾਦੀ ਐਲਾਨੇ ਜਾਣ ਲਈ ਪੱਤਰ ਲਿਖਿਆ ਸੀ, ਜੁਲਾਈ ਵਿਚ ਉਨ੍ਹਾਂ ਸੋਸ਼ਲ ਮੀਡੀਆ ਪਲੇਟਫਾਰਮ ਨੂੰ criminal content 'ਤੇ ਪਾਬੰਦੀ ਲਾਉਣ ਦੀ ਮੰਗ ਕੀਤੀ ਸੀ।
